影片
更多
2023-07-20
2322 瀏覽
文興酒家 於英國倫敦開業，後來因為受歡迎先慢慢喺曼谷、上海、香港開分店。呢日放假去咗食lunch，佢嘅特惠休閑午市二人套餐 ($520)好豐富，有齊：🥢前菜 (四選一)前菜揀咗雞絲粉皮，份量好多！粉皮滑溜溜，麻醬中加咗wasabi，估唔到味道更有層次，刺激味蕾又咁膩！🥢是日燉湯 (兩份)燉湯真材實料，有猴頭菇、瑤柱、雞腳、瘦肉、羊肚菌等，湯頭鮮甜濃郩，啖啖精華。🥢粵式燒泰國櫻桃鴨 (半隻)黎到文興點可以唔試佢嘅招牌燒鴨呢？呢個午市套餐包咗半隻燒鵝，兩個人食份量都幾多！採用「優質櫻桃谷鴨」，由泰國盤谷牧場直接入口，每隻鴨都以上等殼物飼養，並無注入激素及抗生素。櫻桃鴨油膩感較少，肉香突出，燒過後皮嫩肉嫩，仲保留肉汁，確係好食！最貼心嘅喺呢度嘅燒鴨全部都去晒骨，食起來啖啖肉，更為滿足，甜甜嘅秘製醬汁仲有提味之效！🥢主菜 (六選一)揀咗黑毛豬咕嚕肉，咕嚕肉炸漿好薄，包住肉質爽彈嘅黑毛豬肉，外脆內彈牙，口感一流！配搭新鮮菠蘿，酸酸甜甜，開胃送飯！🥢瀨粉 或 白飯 (兩份)燒鴨最好配瀨粉，但咕嚕肉就送飯一流！🥢合時甜品(兩份)是日甜品有暖心千層糕，千層糕煙韌帶彈性，食落有淡淡椰香，甜度適中。
呢日放假去咗食lunch，佢嘅特惠休閑午市二人套餐 ($520)好豐富，有齊：
🥢前菜 (四選一)
前菜揀咗雞絲粉皮，份量好多！粉皮滑溜溜，麻醬中加咗wasabi，估唔到味道更有層次，刺激味蕾又咁膩！
🥢是日燉湯 (兩份)
燉湯真材實料，有猴頭菇、瑤柱、雞腳、瘦肉、羊肚菌等，湯頭鮮甜濃郩，啖啖精華。
🥢粵式燒泰國櫻桃鴨 (半隻)
黎到文興點可以唔試佢嘅招牌燒鴨呢？呢個午市套餐包咗半隻燒鵝，兩個人食份量都幾多！採用「優質櫻桃谷鴨」，由泰國盤谷牧場直接入口，每隻鴨都以上等殼物飼養，並無注入激素及抗生素。櫻桃鴨油膩感較少，肉香突出，燒過後皮嫩肉嫩，仲保留肉汁，確係好食！最貼心嘅喺呢度嘅燒鴨全部都去晒骨，食起來啖啖肉，更為滿足，甜甜嘅秘製醬汁仲有提味之效！
🥢主菜 (六選一)
揀咗黑毛豬咕嚕肉，咕嚕肉炸漿好薄，包住肉質爽彈嘅黑毛豬肉，外脆內彈牙，口感一流！配搭新鮮菠蘿，酸酸甜甜，開胃送飯！
🥢瀨粉 或 白飯 (兩份)
燒鴨最好配瀨粉，但咕嚕肉就送飯一流！
🥢合時甜品(兩份)
是日甜品有暖心千層糕，千層糕煙韌帶彈性，食落有淡淡椰香，甜度適中。
張貼
