影片
更多
2023-05-31
241 瀏覽
兆萬中心雖然係廣為人知嘅劣食之塔，不過都無阻我挑戰佢，今次就去咗10樓嘅大本瀛日式放題，無影單所以唔太肯定價錢，大約$260兩個鐘，90分鐘就last order🙈首先嚟到嘅係大大盤刺身，呢度選擇都算多，除咗普通嘅三文魚吞拿魚，仲有油甘魚同希靈魚👍🏻三文魚果然係兆萬代表作😂冇腥味或者冰味、都食到啲魚味😛可惜油甘魚同蝦都好腥，吞拿魚咬落去好乾好柴💩希靈魚嘅魚味幾重、唔錯，北寄貝都值得一試😆壽司方面幾乎每樣都叫咗件，炙燒三文魚食落幾香，而且冇好似樓下咁燒濃啲飯🤣和牛完全冇牛味，又冇落咩饅魚汁，所以都唔係好知食緊咩🤦🏻♀️青檸象拔蚌好彈牙、味道好夾❤️所有松露醬壽司都唔太建議，因為真係太重味，而且知道唔係真松露😂金龍卷完全食唔出有炸蝦，好彩仲有蟹籽撈飯😝軟殼蟹手卷炸得幾脆(唔記得影😢)，舊飯仲係微暖，職員都有提我哋要快啲食，驚紫菜會淋咗，不過份量頗大，食完都會飽飽地🤪泰國嘢食叫咗飛天通菜、冬陰功湯同生菜包，全部都好高質，絕對比得上泰國餐廳🤩通菜炒得通透、蝦醬有爆香；冬陰功仲有蝦有菇，辣得嚟好爽；生菜包嘅肉半肥瘦，彈牙得嚟好入味，配埋爽脆嘅生菜真係一流🤤強烈建議佢哋改做泰式改題🤓不過另外有個韓式
首先嚟到嘅係大大盤刺身，呢度選擇都算多，除咗普通嘅三文魚吞拿魚，仲有油甘魚同希靈魚👍🏻三文魚果然係兆萬代表作😂冇腥味或者冰味、都食到啲魚味😛可惜油甘魚同蝦都好腥，吞拿魚咬落去好乾好柴💩希靈魚嘅魚味幾重、唔錯，北寄貝都值得一試😆
壽司方面幾乎每樣都叫咗件，炙燒三文魚食落幾香，而且冇好似樓下咁燒濃啲飯🤣和牛完全冇牛味，又冇落咩饅魚汁，所以都唔係好知食緊咩🤦🏻♀️青檸象拔蚌好彈牙、味道好夾❤️所有松露醬壽司都唔太建議，因為真係太重味，而且知道唔係真松露😂金龍卷完全食唔出有炸蝦，好彩仲有蟹籽撈飯😝軟殼蟹手卷炸得幾脆(唔記得影😢)，舊飯仲係微暖，職員都有提我哋要快啲食，驚紫菜會淋咗，不過份量頗大，食完都會飽飽地🤪
泰國嘢食叫咗飛天通菜、冬陰功湯同生菜包，全部都好高質，絕對比得上泰國餐廳🤩通菜炒得通透、蝦醬有爆香；冬陰功仲有蝦有菇，辣得嚟好爽；生菜包嘅肉半肥瘦，彈牙得嚟好入味，配埋爽脆嘅生菜真係一流🤤強烈建議佢哋改做泰式改題🤓不過另外有個韓式蔘雞湯就好似花旗蔘湯，唔係好知算係咩味😂
鐵板燒方面試咗牛舌、翠肉瓜、粟米、日式餃子，牛脷好彈牙又唔油膩、表面有少少焦香😚蔬菜都好多汁；餃子好重韮菜味，似港式煎餃多啲🤣
另一個最推薦嘅就係炸雞軟骨，就算擺咗15分鐘都仲脆，一粒一粒好過癮，如果飲酒嘅話應該幾啱佐酒，軟骨亦都唔會過硬🤩
值得欣賞嘅係佢哋有自家製甜品，例如奶凍同中式糖水，奶凍咖啡味幾濃、唔會落咗太多魚膠粉～
張貼
