文苑飯莊 (裝修中)

上年12月頭，有食友組團，組成10人團隊去食文苑，呢度位置比較遠，我係樂富地鐵站𨍭綠色小巴上去天馬苑，估唔到之前因為有K O L去食，呢間餐廳變咗討論熱點。朋友預先預約，餐廳本來幫我哋寫咗菜單，不過要人均要過600，所以我哋選擇了單叫，只係預定了一隻扁皮鴨，乳豬，扁皮鴨水準正常，係皮夠脆，鴨肉肥瘦適中，不過唔驚喜。乳豬好好味，值得一試。炸豆腐夠剛炸起，香口菜。小炒王有大量大隻蝦，十分惹味。叉燒都可以，肥瘦均勻。由於我們主要食小菜，冇叫海鮮，人均都係4百幾，可以接受。大家未試過可以試吓嘅，佢哋係做中高級嘅中菜，環境舒服，當然價錢都好中高。