小胖台灣便當 (德立大廈)

營業中

休息中

去尖沙咀行街, 行過見到有間餐廳個logo幾得意, 就去食下! 我地一行兩個人，叫左兩個餐 (一份餐包括一款主菜+一款小食+飲品)🌟台灣鐵路大排骨 $82🌟🌟鹽蒜四季豆(追加 + $14)🌟🌟金宣烏龍冷泡茶🌟🌟台灣古早味烤豬肉湯麵 $78🌟🌟懷念鹽酥雞🌟🌟熱金橘檸檬茶🌟餐具包裝同碗都好精美，有餐廳個可愛logo. 主菜: 鐵路大排骨賣相好吸引, 排骨炸得好金黃, 食落好香口, 外脆內軟, 一定要襯熱食! 而烤豬肉都好唔錯, 烤到熱辣辣, 有少少醬汁係豬肉面, 有少少吃豬肉乾既感覺小食: 十分推介四季豆!!! 炸過既四季豆好香口好入味!!! 一食就停唔到! 而鹽酥雞就比較細粒, 不過就滿一盒, 炸得好脆口, 好味! 飲品: 飲品都幾抵飲! 冷泡茶一支裝, 大約有400ml-500ml, 飲唔晒可以拎走。金橘檸檬茶都幾大杯, 有兩片新鮮檸檬係杯茶入面, 而唔係完全即沖, 幾好飲! 要留意用餐時間只有一小時。座位寬敞舒適, 幾啱傾下傾既gathering。