MAMTOM

同個女仔朋友兩個人食飯，又想搵係地鐵站出口旁邊貪方便，又想要有少少環境同氣氛，又唔想成日食Cafe同西餐，所以就搵咗呢度試吓 。因為餐廳直頭喺尖東站P1出口一出，行前幾步，轉過彎就到，極度方便。然後餐廳環境亦都非常有情調，成個天花都掛住一啲黃色嘅波波燈，可以打下卡，仲有可以吹吹風嘅室內位置，室內室外都ok 。食物方面，我絕對係衝着呢個牛骨髓牛肉湯河過黎，因為個湯底超濃陏，好啱我呢啲重口味人士，留意番加牛骨髓嘅話係要加$70幾蚊㗎！啲河粉出奇煙靭，完全唔會腍啤啤，好好食！ 另外我哋重叫左一個軟殼蟹嘅木瓜沙律，嗰個就正正常常啦，份量亦都唔係話好多，因為朋友唔係太肚餓，所以只能夠今次試兩個菜式，唯有下次再試其他嘢。唯一就係價錢，我覺得略為高少少，一個湯河加沙律，兩個drinks ,埋單就600幾人均300幾, 唔算非常抵食。