影片
更多
2022-05-31
1276 瀏覽
中意食醬油蟹🦀既我對呢間店一直都略有耳聞，今次終於都食到啦！大概八點三、四左右去到餐廳，成間餐廳都坐滿哂人。我地冇book檯要等，侍應姐姐同我地講好快有位，之後黎既客人都同佢地講冇位，好彩行快左兩步咋。最後我地都係等左15-20分鐘左右就入得，不過大家最好都係book定檯穩陣啲（雖然我地打左好多次電話都冇人聽）！✨醬油蟹🦀醬油既味道唔算好咸，比較偏甜，同我之前食過既相對冇咁惹味。蟹唔算大隻，不過都叫好肉，而且都有唔少膏。蟹肉肉質鮮嫩，唔會梅，亦唔會有腥臭味，食得出新鮮既。醬油蟹有個紫菜飯跟，份量唔多，旨在撈汁過下口癮，不過如果可以加少少麻油相信會再好食！✨生牛肉第一次食韓式既生牛肉，平時都係食開beef tataki個類比較多，起初都驚自己接受唔到。但點知入口食唔到羶味，加左生蛋之後肉質仲滑左，味道偏甜，仲有陣陣既麻油香味。不過食得多都幾滯，最後我地2個人食唔哂！✨王牛排其實姐係醃好左既牛小排，牛小排既肉質結實，油脂豐富，好有咬口但唔會韌。味道偏甜，而且份分都幾多，齋食呢樣烤肉會有啲滯，相信配返其他冇調味既烤肉會開心啲！題外話，見到有唔少人話餐廳既服務態度唔好，但我地個日去可能好彩，員
中意食醬油蟹🦀既我對呢間店一直都略有耳聞，今次終於都食到啦！
大概八點三、四左右去到餐廳，成間餐廳都坐滿哂人。我地冇book檯要等，侍應姐姐同我地講好快有位，之後黎既客人都同佢地講冇位，好彩行快左兩步咋。最後我地都係等左15-20分鐘左右就入得，不過大家最好都係book定檯穩陣啲（雖然我地打左好多次電話都冇人聽）！
✨醬油蟹🦀
醬油既味道唔算好咸，比較偏甜，同我之前食過既相對冇咁惹味。蟹唔算大隻，不過都叫好肉，而且都有唔少膏。蟹肉肉質鮮嫩，唔會梅，亦唔會有腥臭味，食得出新鮮既。醬油蟹有個紫菜飯跟，份量唔多，旨在撈汁過下口癮，不過如果可以加少少麻油相信會再好食！
✨生牛肉
第一次食韓式既生牛肉，平時都係食開beef tataki個類比較多，起初都驚自己接受唔到。但點知入口食唔到羶味，加左生蛋之後肉質仲滑左，味道偏甜，仲有陣陣既麻油香味。不過食得多都幾滯，最後我地2個人食唔哂！
✨王牛排
其實姐係醃好左既牛小排，牛小排既肉質結實，油脂豐富，好有咬口但唔會韌。味道偏甜，而且份分都幾多，齋食呢樣烤肉會有啲滯，相信配返其他冇調味既烤肉會開心啲！
題外話，見到有唔少人話餐廳既服務態度唔好，但我地個日去可能好彩，員工既態度都可以，仲會時不時幫我地烤肉同斟酒添！
醬油蟹
31 瀏覽
0 讚好
0 留言
張貼
