榕基滷水專門店 1992

營業中

休息中

今日突然諗起榕基d滷水鵝，早兩年仲係疫情無堂食既時候；係舊鋪個邊幫襯佢！around $200 好多鵝 搬左大鋪燈光好光猛，我地都等左2枱先有位。本來都抱住好期望既心情去食飯，一見到張凳無晒胃口 🤢又骨頭又有頭髮🤮唯有坐到縮埋一邊食·滷水鵝飯 ☆☆☆最想食既豆腐賣晒😓 侍應落完單成支筆跌落我大髀到，仲懵然不知😅·滷水鵝撈麵 ☆☆成個麵淡茂茂，撈完d汁都係無味，唔推介總結：衛生問題必需改善， 未落單見到咁胃口都減半了🥴 鋪頭地下亦油立立。