尚海人家 (宏基商業大廈)

營業中

休息中

店舖細細間、唔起眼，喺蘇杭街交界，感覺似老舖，相當地道。店員好客有禮，會推介菜式。主打外賣，但店外有張細枱可以立食，亦可以拎去附近海皮chill住食。 ✦ 生煎包作為上海舖頭，當然唔少得。生煎包大大隻，非常飽肚，而且仲有特色黑松露、蟹粉、瀨尿蝦等口味選擇。外皮稍厚、勝在金黃酥脆，內餡係新鮮梅頭、鮮甜多汁，恰到好處。 特別推薦瀨尿蝦生煎包，甜香梅頭配襯咸香瀨尿蝦，啖啖爆汁，意想不到地夾。 ✦ 排骨菜飯排骨同菜飯分上，兩者份量都好充足。排骨皮薄肉厚，炸完依然粉嫩，肉味鮮香。菜飯相對淡味, 有米香、煮得啱啱好，葉量足。 感覺幾適合lunch或者放工食個快飯，輕輕享受。