祥發茶餐小廚

營業中

休息中

雞的部位當中我最不喜歡吃的就是雞脾，但見到賣相是這樣的雞脾，又點都要試一試。 「祥發茶餐小廚」喺港運城附近，聽講以前在銅鑼灣，最近搬了過來。一行入間舖枱枱都有一隻瑞士汁雞脾，似乎好出名。瑞士餐配搭多元化，簡單來講瑞士雞脾／雞翼／炸脾是主打，之後自己配飽佢，乜都有，我揀咗雞脾，明明想配芝士吉列魚柳天使麵，但係把口就講豬潤米，我都唔明點解成日都控制唔到自己。 雞脾先來，好靚，油淋淋，影相先。一切開，係咪鼻塞呢？冇味嘅？唔緊要，佢瑞士汁有味，味道偏甜，有少少薑醋feel ，隻脾都入味但唔夠滑。豬潤米，好多豬潤，不過好乾，個湯冇味。＄33 有杯嘢飲，可以再試多次。