牡蠣小屋

營業中

休息中

早前完成一個不錯嘅項目，獎勵吓自己，同事推介牡蠣小屋，話材料係日本直送好新鮮。响門口，就見到一堆新鮮貝類，其中以生蠔佔多數。既然叫得牡蠣小屋，食蠔一定唔少得，响生蠔和鐵盒蒸蠔之間，思想掙扎大格鬥之後，终於都落實食生蠔。加埋一個2人份嘅特上刺身拼盤，同埋一份銀鱈魚。刺身拼盤擺盤好靚，食材都係閃亮閃亮，肉質晶瑩剔透，好新鮮。生蠔揀咗岩蠔 $158/隻，大大隻亮晶晶，蠔肚透薄隱約可見內容。口感爽脆味道鮮甜，肚部口感軟滑帶爽 ，覺得係食過嘅生蠔中最正嘅，推介！推介！推介！北海道帆立貝爽身彈牙又鮮美牡丹蝦超大隻，鮮爽帶糯，一啲鯹味都無，連一直以來唔啜蝦頭膏嘅，都忍不住啜得乾乾淨淨。三款魚生都好新鮮，肉質亮麗，味道鮮甜吞拿魚拖羅入口即溶，脂香滑溜，好味 北海道海膽香滑，味道甘美豐腴，真係回味無窮，百吃不厭！銀鱈魚西京燒表皮脆脆的，肉質油脂豐厚，口感軟滑。辛苦搵來自在食，間中獎勵吓自己真係唔錯。坐在吧枱位，見現場不少日藉客人，留意到日藉廚師與客人互相交流，客人又與廚師分享他們下單嘅食物，氛圍彷彿置身於日本當地除咗貝類，還當季時令食材，下面係日本即食粟米，即係可以生食架，見隔離客人叫咗，下次試吓先。