蠔埕

營業中

休息中

進入餐廳前，門外擺放富有藝術感嘅燈光裝置，別具特色。餐廳地方唔算大，一入門就見到U型大吧枱，簡約設計，令空間感十足。今晚叫咗set $580嘅套餐另加一個日本豚肉火鍋。食串燒同打邊爐點少得飲汽水，Order咗兩支日本汽水；完熟白蜜桃梳打汽水同靜岡哈蜜瓜汽水，兩支味道都清新又解渴。季節前菜牛舌切成一粒粒，用山賊汁炆到入味，口感好淋，牛味濃。時令刺身盛用料新鮮，分別有帆立貝、甜蝦、八爪魚同蟹籽，刺身入口鮮甜美味。日本時令生蠔生蠔飽滿，入口嫩滑爽口，蠔身上有甜醋啫喱，令生蠔鮮味更加突出。炭燒時令貝類師傅將帶子一分為二，連同帶子裙邊，用上湯煮熟，火候控制得啱啱好，入口鮮嫩味道鮮甜。備長炭串燒牛舌牛舌燒到微焦，口感彈牙好Juicy。鹽燒豬腸入口爽脆，好够味。阿波尾雞肉肉質嫩滑，肉味香濃。粟米外層燒至微燶，入口爆汁，十分鮮甜可口。雞翼外表燒到金黃色，入口好香脆肉嫩多汁真係好味道。白鱔燒到啱啱好，皮脆肉嫩，入口充滿油脂，味道豐富。另中一個主食就係豚肉火鍋，揀咗醬油湯底。火鍋配上日本豚肉及蔬菜盛合；腩肉及梅肉肥瘦適中，肉味香濃，十分滿足。蔬菜盛盒，有燒過嘅豆腐、金菇、本菇、白菜同旺菜。蔬菜吸收咗湯底嘅