影片
更多
2024-04-12
36 瀏覽
日本鹿兒島A5和牛火鍋＋任食鱈場蟹宴除咗主角和牛、鱈場蟹，仲有多款食物，120分鐘全程冇停過日式磯煮凍鮑魚大隻，醬汁入味，彈牙美味。日本3色牡蠣刺身新鮮又肥美，肉質滑嫩，有清新海水味加上清爽蠔味。3色係指原味·香葱辣蘿蔔蓉、拖羅三文魚子魚蓉、鱘魚子海膽醬，各有特色。蟹粉蟹肉炒年糕年糕沾滿蟹粉蟹肉蟹汁，濃郁撲鼻，上海菜餐館會成日食到，無諗過日本餐廳都食到，有驚喜。炭燒串燒拼盤即時望住師傅燒串燒，心情一直都好期待。今日款式有燒粟米、黑豚肉、鵝肝釀雞翼、提燈。鵝肝釀雞翼，令普通的雞翼升級咗，油脂滿溢。另外，我第一次食提燈，原來係母雞的輸卵管、卵巢和未成熟未有殼的雞蛋黃！我接受到個味道，一啲都不腥，半熟蛋黃係口裡面爆漿，幾難忘。估唔到串燒拼盤會食到特別部位~並非普通的串燒！炭燒蟹黃醬蟹肉飯糰造型似手卷，紫菜脆身，包住燒過的飯糰，有飯焦，更有蟹黃醬蟹肉調味。Shabu Shabu環節:鹿兒島A5黑毛和牛，有霜降，質地細膩，肉味濃厚。仲有雜菜盛盒、稻庭鳥冬，食到呢到我已經8成飽🤭🤭🤭最後，當然要勁食鱈場蟹腳回本。蟹腳內藏滿滿的鮮甜蟹肉，配以蒜蓉牛油、蕃茄黑椒汁，多種滋味。飲品都係仼飲，有汽水、啤酒
除咗主角和牛、鱈場蟹，仲有多款食物，120分鐘全程冇停過
日式磯煮凍鮑魚
大隻，醬汁入味，彈牙美味。
日本3色牡蠣刺身
新鮮又肥美，肉質滑嫩，有清新海水味加上清爽蠔味。3色係指原味·香葱辣蘿蔔蓉、拖羅三文魚子魚蓉、鱘魚子海膽醬，各有特色。
蟹粉蟹肉炒年糕
年糕沾滿蟹粉蟹肉蟹汁，濃郁撲鼻，上海菜餐館會成日食到，無諗過日本餐廳都食到，有驚喜。
炭燒串燒拼盤
即時望住師傅燒串燒，心情一直都好期待。今日款式有燒粟米、黑豚肉、鵝肝釀雞翼、提燈。鵝肝釀雞翼，令普通的雞翼升級咗，油脂滿溢。另外，我第一次食提燈，原來係母雞的輸卵管、卵巢和未成熟未有殼的雞蛋黃！我接受到個味道，一啲都不腥，半熟蛋黃係口裡面爆漿，幾難忘。估唔到串燒拼盤會食到特別部位~並非普通的串燒！
炭燒蟹黃醬蟹肉飯糰
造型似手卷，紫菜脆身，包住燒過的飯糰，有飯焦，更有蟹黃醬蟹肉調味。
Shabu Shabu環節:
鹿兒島A5黑毛和牛，有霜降，質地細膩，肉味濃厚。仲有雜菜盛盒、稻庭鳥冬，食到呢到我已經8成飽🤭🤭🤭
最後，當然要勁食鱈場蟹腳回本。蟹腳內藏滿滿的鮮甜蟹肉，配以蒜蓉牛油、蕃茄黑椒汁，多種滋味。
飲品都係仼飲，有汽水、啤酒、薑茶、sake。加分位有薑茶可以幫助驅寒解毒，食多多蟹肉都唔怕😆😆😆
張貼
