影片
更多
2025-06-13
150 瀏覽
「明軒小館」環境光猛又闊落，坐得舒服，仲有開放式廚房，可以睇到師傅手工拉麵，好有睇頭😎試左個午市一人招牌套餐（$268）食完真係滿足感爆棚。先來山珍湯，菇菌同竹笙夠晒足料，飲落暖笠笠，香氣十足。點心三選二，揀咗蟹粉小籠包同禿黃油糯米燒賣，小籠包皮薄湯汁多，蟹粉味好鮮甜；燒賣煙韌有咬口，食落好過癮。主食方面，蟹粉撈麵超正！闊麵係師傅手工拉製，夠晒彈牙，自己撈蟹粉，味道香濃又唔腥，食一啖已經想再食。白飯配蟹粉同樣冇伏，加埋薑粒黑醋，鮮味再提升！最後用寧波芝麻湯丸作結尾，芝麻餡香滑，配上帶薑味嘅湯底，暖住個胃，好完美！📍明軒小館📍地址: 香港上環皇后大道中287-299號地下1號舖
試左個午市一人招牌套餐（$268）食完真係滿足感爆棚。
先來山珍湯，菇菌同竹笙夠晒足料，飲落暖笠笠，香氣十足。
點心三選二，揀咗蟹粉小籠包同禿黃油糯米燒賣，小籠包皮薄湯汁多，蟹粉味好鮮甜；燒賣煙韌有咬口，食落好過癮。
主食方面，蟹粉撈麵超正！闊麵係師傅手工拉製，夠晒彈牙，自己撈蟹粉，味道香濃又唔腥，食一啖已經想再食。
白飯配蟹粉同樣冇伏，加埋薑粒黑醋，鮮味再提升！
最後用寧波芝麻湯丸作結尾，芝麻餡香滑，配上帶薑味嘅湯底，暖住個胃，好完美！
📍明軒小館📍
地址: 香港上環皇后大道中287-299號地下1號舖
張貼