夏麵館 (始創中心)

營業中

休息中

最近見到夏麵館推出咗個特色蟹粉宴，今日經開太子分店就嚟試下先。 鮮蟹粉河蝦仁撈麵：見到poster呢款做緊試食價$68就試下啦，仲可以加多$30將蟹粉嘅份量double up，撈麵口感黏黏哋，有鮮蟹粉同埋河蝦嘅雙重鮮味。 蟹粉小籠包：小籠包個皮都幾夠薄又多汁，咬開就必晒啲汁出嚟，所以食嘅時候小心辣親個咀仔。如果再多啲蟹粉就更加perfect。 花雕醉雞：花雕醉雞雞肉嫩滑入味，皮肉間有水晶般剔透膠質，酒香撲鼻芬芳，肉質色澤動人，餐前小食最好不過。 排骨擔擔麵：排骨夠熱，又酥又香，麵條細滑，湯汁微辣惹味，陣陣花生香味，做到掛湯嘅效果。 開心果鍋餅：近年開心果熱潮紅爆全港，一向食開紅豆鍋餅，宜家都推出埋開心果味， 金黃香脆嘅鍋餅入面夾住濃厚嘅開心果醬，味道亦唔會太甜。