莆田 (美麗華廣場2期) (已結業)

呢間福建菜都唔需要多介紹， 因為香港都有唔少分店。今期呢度嘅特色菜係蟶子， 由於屋企人都幾鍾意食蟶子 ，所以呢期係幫襯得幾密 ，不停番食。今次點咗鐵板炒蟶子同埋花雕酒浸蟶子😋花雕酒煮嘅菜式不嬲都係我嘅至愛， 今次用花雕酒煮嘅蟶子都一樣，花雕酒入哂味，每隻蟶子都浸滿花雕酒， 脹卜卜， 真係好食又好睇！鐵板蟶子就啱啱相反， 由於係經過鐵板烤熟， 所以肉質就比較乾身，收曬水。 但味道鹹鹹地 ，係惹味嘅！😍今次仲叫多咗個荔枝古嚕肉， 肉質同味道都非常好， 真係依稀食到荔枝味😋呢度真係變成 我一家大細嘅飯堂。