豪隍點心工房 (已搬遷) 新店位置

豪隍點心工房，超級人氣點心店，長期旺場，要幫襯，真係要校啱時間，揀個平日嘅後下午時段。豪隍蝦餃皇同蝦仁燒賣皇都係超大粒，好誇張，兩者當然以蝦餃皇較出色，入面嘅餡料係鮮蝦疊鮮蝦再疊鮮蝦，總之就全部都係蝦，好癲😍；燒賣皇上面都有隻大蝦，入面餡料啖啖肉，有鮮味，唔會硬掘掘，好食。蜜汁叉燒腸皮薄餡靚，叉燒多之餘亦好新鮮，高汁👍。最後上海生煎包就普普通通啦。總括嚟講，呢度食物質素係非常高，可惜一個人嚟，試得唔多，下次一定要聯群結黨嚟再幫襯。