影片
更多
2021-09-06
192 瀏覽
呢間位於灣仔嘅小店，傳聞經常大排長龍，好食程度係排長龍都要食咁話…呢日大概中午時間嚟到，離遠已經見到有條人龍，既然老遠嚟到，排隊都要食啦…正當跟隊尾排隊之際，有位鬍鬚佬唔知店員定老闆，以接近’指令式’ 口吻管控食客點樣排隊，係絕不友善！排咗大概半個鐘倒就有位，都唔算耐，可以接受，我一行3 人，入到去先知要分開坐，因為佢係得2 人枱而無4人枱，再加3 個bar 枱位，其實一啲都唔friendly，變成我自己個飯自己食，友人們互相分少少試吓都做唔到！最終各自點了3個唔同嘅蛋包飯…▶️咖哩豬肉+濃茄牛肉蛋包飯 ($82) - 蛋包飯確實做得出色，薄薄嘅蛋包住啲飯係唔容易，咖哩汁就略嫌欠缺濃味，唔太食得出咖哩味，至於配餸就正正常常▶️手打和牛漢堡扒蛋包飯 ($89) - 朋友話個燉牛肉汁有少少苦澀味，至於和牛漢堡扒應該唔會唔好食，反正都係來貨，唔會店家自製▶️ 忌廉雞肉+濃茄牛肉蛋包飯 ($82) - 朋友話忌廉汁同濃茄汁都好，配餸就同我睇法一樣，正常而已餐後感：1.) 食物質素ok，蛋包飯確實做得出色，只用薄薄嘅蛋就能包住堆飯，廚師有功架！2.) 鬍鬚佬打從排隊嗰刻就好唔友善，到奉上飯餐到我面前，
呢日大概中午時間嚟到，離遠已經見到有條人龍，既然老遠嚟到，排隊都要食啦…
正當跟隊尾排隊之際，有位鬍鬚佬唔知店員定老闆，以接近’指令式’ 口吻管控食客點樣排隊，係絕不友善！
排咗大概半個鐘倒就有位，都唔算耐，可以接受，我一行3 人，入到去先知要分開坐，因為佢係得2 人枱而無4人枱，再加3 個bar 枱位，其實一啲都唔friendly，變成我自己個飯自己食，友人們互相分少少試吓都做唔到！最終各自點了3個唔同嘅蛋包飯…
▶️咖哩豬肉+濃茄牛肉蛋包飯 ($82) - 蛋包飯確實做得出色，薄薄嘅蛋包住啲飯係唔容易，咖哩汁就略嫌欠缺濃味，唔太食得出咖哩味，至於配餸就正正常常
▶️手打和牛漢堡扒蛋包飯 ($89) - 朋友話個燉牛肉汁有少少苦澀味，至於和牛漢堡扒應該唔會唔好食，反正都係來貨，唔會店家自製
▶️ 忌廉雞肉+濃茄牛肉蛋包飯 ($82) - 朋友話忌廉汁同濃茄汁都好，配餸就同我睇法一樣，正常而已
餐後感：
1.) 食物質素ok，蛋包飯確實做得出色，只用薄薄嘅蛋就能包住堆飯，廚師有功架！
2.) 鬍鬚佬打從排隊嗰刻就好唔友善，到奉上飯餐到我面前，只係隨意影幾張相，又用一個好唔友善嘅眼神遠望，我唔明影吓相究竟有咩問題？！
3.) 裝修格局正如先前所講，全部2 人枱，如果3人行嘅要考慮下，同埋用餐感覺似食快餐，如果打算同朋友聚舊吹水建議搵過第二間
4.) 價錢方面，評論唔到平定貴，以around $80~$110 一個蛋包飯係我可接受範圍
5.) 總之整個用餐過程唔會感到舒服，甚至可以話係hard feeling，有興趣嘅朋友都可以去試嘅，但我相信應該只會去一次，因為一個正常人試過一次貼錢買難受，唔會做第二次！
張貼
