貓之眼

營業中

休息中

🍛貓之眼 (灣仔)📍灣仔汕頭街24號地舖成日去灣仔，但係都會比唔同嘅Cafe吸引咗。今日終於試咗久聞其名嘅Cat‘s eye。🍛🌕🌑🌑🌑🌑$88-$102星期六下晝2:00去到，都有五六個人排隊，所以都真係幾有期望。點知......等咗10零分鐘，招牌三色蛋包飯：咖喱豬肉+濃茄牛肉。蛋滑嘅，日本米好食，但個咖喱就真係........好淡味，咖喱汁好稀好稀😬豬肉無味濃茄牛肉同樣淡茂茂，接近水旺旺。漢堡又係難得地無味，肉內乾爭爭，要不斷點落去稀啦啦嘅醬汁先至有多番啲味道。究竟係名大於實，定係今日狀態失準，我真係唔識分。😬😦只可以講份量係大嘅，灣仔黎講又唔算貴嘅🌞不過其實食肆真係要專心做好食材，蕃茄、咖喱呢啲都唔係咩貴價食物，用多少少原料，味道好，食客有記憶點，生意自然會長長久久。#灣仔美食 #catseye #蛋包咖啡飯

#20250327 🤍📍 #貓之眼灣仔汕頭街24號地舖➖➖➖➖➖➖➖➖➖➖➖➖➖➖➖➖➖#咖哩豬肉 #濃茄牛肉 #蛋包飯 $88💭 之前經過呢間野既時候門口成日都排好長龍，今次去發現唔使排隊，係咪市道真係差成咁😢咖哩係標準日式甜咖哩既風味，個甜味來自於天然蜜糖、蘋果、洋蔥、紅蘿蔔等等都會散發甜味既蔬果🍛茄汁有啲港式既味道，有幾舊大大舊既牛腩，用尼撈飯都幾正🥫.#燴牛肉汁 #忌廉雞肉 #蛋包飯 $92💭 其實佢地有4款汁，兩個人尼就岩岩好可以試晒喇😎牛肉汁陣味有啲出乎意料之外，並唔係熟悉牛肉飯果陣味，而係帶少少酸味有啲特別🐮忌廉汁用左3.6牛乳，所以食落會好香滑，而且啲雞肉都好滑嫩，係老少咸宜既口味🐔雖然佢個蛋包飯唔係用茄汁炒好既飯，不過有咁多汁撈都唔錯👍🏼.#灣仔美食 #🐷在灣仔 #🐷_食

一向都好鍾意食有汁嘅飯自從幾年前港島番工食過之後久唔久就會出灣仔食一次基本上每次都要排少少隊不過大家都食得好快所以通常15-20分鐘左右就可以入座入面食物嘅種類唔算好多不過我基本上每次都係食同一種對比起咖喱同埋蕃茄我個人更鍾意食佢嘅白汁所以白汁一定係每次嘅膽！送飯真係一流每次食都可以極速咁食哂成個飯不過因為選擇唔多所以就唔會成日食不過每次食果陣都會覺得好開心好滿足同因為用一隻匙羹就可以食哂成個飯所以好適合懶人

好耐無嚟食嚕 估唔到都仲係要排隊12:20左右去到 排咗大概15分鐘就有位而落單之後 5分鐘就有嘢食😂😂😂menu選擇好似都係咁上下 小食就唔算好吸引到我淨係食飯 有啲悶 唔係好夠滿足咖喱豬肉 + 燴牛肉汁 蛋包飯 $92有種頹飯嘅感覺😂咖喱豬肉就係日式咖喱嘅味道 香濃得嚟 帶點甜 係我喜歡嘅味道就咁食定係撈飯食 都好味燴牛肉汁就偏酸 not my thing蛋包飯就中規中矩啦 個蛋都幾嫩滑嘅但其實個蛋就只係咁鋪係面 無包住啲飯😂

呢間鋪都開左好多年反而一直冇嚟試因為灣仔區算幾多野食，競爭都大呢晚收工就第一次過嚟試下。叫左個咖喱豬 漢堡 蛋包飯 $102同一個 番茄牛 加 咖喱豬 蛋包飯 $88。咖喱係甜既日式咖喱，但有少少稀個蛋包飯，我覺得似茶記早餐隻炒滑蛋同真正日式蛋包飯係2回事嚟個漢堡都OK, 正常唔會太硬太實但個咖喱d雜菜實在太少啦。另一份番茄牛，更加冇咩肉食成碟得4片肉，跟住靠好多汁去送飯我個人唔鍾意出街食飯靠成碟白飯或意粉去填飽個肚如果係咁不如留返係屋企自己食白飯算肉得3-4片真係唔掂當。香港食野真係好貴想好食又有少少質素既店鋪更加要花時間去搵如果真材實料比貴少少可以接受但呢間真係冇下次了

呢間貓之眼食左無數次，味道一如既往好味！不過今日去食，咁啱坐近廚房位置，就聞到陣陣廚餘臭味，真係好影響，一邊食一邊反胃,之前坐呢個位置都冇呢陣味，希望店家可以改善衛生狀況！

如果說到香港的蛋包飯餐廳，必定會提到「貓之眼」！這家位於灣仔的日式蛋包飯專門店，距離港鐵灣仔站大約4分鐘步程，餐廳由曾經在日本淺草洋食店擔任大廚的退休廚師主理，由於餐廳的位子比較少，所以經常大排長龍！我當天在週末午餐時間到訪，也等待了大約15分鐘才能夠進店，如果想到這家餐廳用餐的人，記得預早到餐廳排隊了！除了最有名的蛋包飯，餐廳也提供多種醬汁和肉類，讓客人自由選擇。這次我選擇了「忌廉雞肉+和牛漢堡蛋包飯」（$102），剛上菜便被和牛漢堡的份量嚇倒！也許是以日本食材為主，和牛漢堡的味道香濃，而且肉質很嫩，與醬汁很配合，而且醬汁比「米青蛋包飯公司」濃稠，味道也更濃郁。另一邊的忌廉雞肉帶牛奶香味，但吃多了也不會覺得膩，調味剛剛好！至於主角蛋包飯，雞蛋口感非常滑，而且能夠吃到雞蛋濃郁的香味，雖然兩邊都是不同醬汁，但是不管選擇了什麼醬汁都與蛋包飯很配，令人驚喜！朋友則選擇了「咖哩豬肉+和牛漢堡蛋包飯」（$102），咖哩是日式咖哩的調味，同樣美味！

今次叫左咖哩+漢堡蛋包飯賣相一流味道偏家庭式現成既咖哩包偏濃味但會似「汁」依個會清新得黎個味道會複雜啲有層次有啲似菜湯不過咖哩味啲餸都入曬味因為比現成個啲冇咁重味配飯同蛋食會冇咁突出漢堡睇落細個 但其實厚食到中間最厚身都唔會柴有牛味同時保留到豬既肥汁既紅酒味都幾出可能因為我冇期待會係好特別既咖啡價錢味道同地點成正比

位於灣仔地區呢間日式蛋包飯，價錢雖然唔貴，但係味道真係一般，而且佢哋真心唔係好蛋包飯，佢算係白飯上面加炒滑蛋。雖然我不嬲都唔係日式咖喱嘅粉絲，但係佢呢間嘅日式咖喱真心比其他仲要差。

都經歷咗一段時間無去哩度食1-14號飯, 從前都比較喜歡食no.7, 濃茄同牛助肉味道好夾, 燴牛汁有小小滲透出酒嘅味道~蛋亦有牛油香味~而手打漢堡質感唔錯~18-19年期間, 濃茄同咖哩味道、質感都已經開始唔一樣, 與其話係汁...不如叫水...但係份量依然(咖哩豬啲豬肉片就變哂碎嘅多...燴牛個牛肉片厚咗, 但係煙韌咗, 忌廉都可以, 都仲可以叫做有feel~而家去食就味道、份量都變哂, 好反應香港個市道...舖租、來貨貴, 唯有價錢不變, 份量、質量縮...變相加價~即係某汽水咁350ml-20ml, 330而照賣嗰個價~哩次無試埋漢堡扒, 因為以前唻食, 有個人話凍咗個漢堡扒會變味, 所以會幫手熱返...今次未食完就已經個個都想走...從來, 個人認為服務態度好唔好就見仁見智, 你以為自己ok, 其實對方都覺得你係西方客......但今次食物就真係...無咩事都唔使特別去食~DON DON DONKI 嗰啲$59豬扒蛋飯之流都應該可以好過佢~(當然係指新鮮出唻嗰啲啦~凍咗就唔好比喇~)香港旅遊業差...因為景點差...多數都變哂商場起哂樓, 飲食差...舖租、來貨貴, 將貨就價

最近去咗灣仔嘅貓之眼，特意試咗佢哋嘅蛋包飯，價錢大概$100。首先，外觀係幾吸引，但實際上有d覺得名過於實。咖啡豬配蕃茄牛肉蛋包飯份量真係唔係好大份，對於呢個價位來講，應該可以多啲飯大碟d。其次，咖哩汁嘅味道都未必到我期待嘅「天花板」水平，雖然香味唔錯，但口感上真係有啲平淡，唔夠驚喜。🥱反而更加鍾意佢個蕃茄汁。而且，蛋包嘅蛋味都唔夠濃，理想中應該要有濃郁嘅蛋香，但今次就缺少咗嗰份滿足感。以性價比黎講，唔係一個夠親民既選擇，只係一個較為好食d既蛋包飯。

今日嚟咗食蛋包飯☺️，好多年前食過一次，但排左大半個鍾隊，之後就唔敢去🤣 店面唔大，只可以坐20個人左右，所以如果見到排長龍都要預一啲時間等位，呢今日唔錯，我地大概12:15到達，等咗唔使10分鐘就有位啦😆我揀咗咖喱豬肉燴牛肉汁蛋包飯$92，上餐都好快，大概5分鐘食物就嚟到👍🏻野食黎到熱辣辣嘅，蛋包飯個蛋不會過生，係我鍾意既口感🤗，飯量都好多！至於牛肉，啲牛係薄的，唔肥，類似吉野家咁，都易入口，但我覺得咖喱豬肉嗰邊出色啲😆咖喱有小辣，豬肉細細嚿唔會好韌。兩邊醬汁都有少少稀，如果再濃郁啲就更加好啦😙店面掛左好多靚畫，都係畫香港嘅🥰，但清潔衛生情況就爭啲🤔 加強清潔下就更好啦💪🏼

位於灣仔的「貓之眼」一直以蛋包飯聞名，是不少人心目中的打卡名店。今天和同事特意來試試，但排隊時間非常長，等了至少半個小時才成功入座。對於時間緊迫的上班族來說，這樣的等候確實是一種挑戰 🙈🙈今次我點了店內最豪華的特選三拼蛋包飯，包括漢堡扒、濃茄牛肉和咖喱豬肉，可算是一次過試盡多款配料。從賣相上來看，蛋包飯的外觀金黃柔滑，確實誘人，但味道上卻有些平淡，蛋包飯內的飯並非炒飯，而是較為普通的白飯，少了層次感。三款配料中，濃茄牛肉酸甜適中，算是比較出色的一道；咖喱豬肉味道較為普通，而漢堡扒的質感偏軟，整體表現中規中矩。或許是對這家店的名氣抱有過高期望，實際的味道卻並未突破意料之中、沒有讓人驚艷到想再回頭光顧的衝動🤔 總的來說，「貓之眼」的蛋包飯可以一試，但對於追求性價比或時間緊張的顧客來說，並非值得花時間排長龍或經常光顧的選擇 🙈

香港好少揾到專食蛋包飯嘅鋪頭～灣仔嘅貓之眼係其中一間專做蛋包飯又人氣爆燈嘅小店🙂‍↔️鍾意食蛋包飯嘅男朋友話未食過 所以我決定要帶佢去朝聖下！🤣禮拜六晏晝排哂隊，因為鋪頭唔算好大，所以都等咗大概半個鐘🙈我叫咗一個忌廉雞肉+和牛漢堡扒蛋包飯($102) ，一個特選1(咖喱豬肉，濃茄牛肉同和牛漢堡蛋包飯)($114)，另外嗌咗個芝士魚肉條($36)😗上到枱，兩個飯都好靚仔，隻蛋望落去同食落去都好香滑🥰珍珠米粒粒分明😋忌廉雞肉🍗🥦唔會水埞埞，仲要有好多西蘭花同蘿蔔，可以中和漢堡扒嘅油膩~如果唔太鍾意咁濃味嘅話，我會建議嗌忌廉雞肉配另一個濃味啲嘅汁~🤓咖哩豬肉🍛🐖同樣好足料，有菜有肉，而且份量都好夠送飯，咖哩汁甜而不辣，好有係日本小店食咖哩嘅感覺😛濃茄牛肉🍅🥩用嘅係牛腩，肉質軟淋，茄味同樣突出又唔會太酸😙好開胃不過我同男朋友都覺得漢堡扒可以唔使突登嗌，因為唔算好突出，同埋每款汁入面嘅配料都已經好夠送飯😋芝士魚肉條冇咩特別🤣都係過下口癮咁

今日我一個人去吃午餐，以為一個人應該很快就能有位，沒想到從到步餐廳到入座足足等了 30 分鐘 等咁耐原因係小店內只有 19 個座位，加上又是午餐時間，真係讓人無奈！既然已經等左咁耐，索性點個和牛漢堡燉牛肉汁蛋包飯（餐單上寫明需要等 15 分鐘）。我由下單到食物送黎時候，我已經幫佢計時，因為都驚超出15分鐘，始終要趕返工麻😅😅 幸運既係等了大約 10 分鐘就能開餐👏🏻👏🏻賣相相當唔錯丫，睇到蛋真係係好滑溜，和牛漢堡也很大份量😅😅 汁亦不少，足以淋滿所有既飯。當我第一口吃到蛋的時候，果然好吃，蛋真係非常滑，而和牛的味道也很唔差！ 一向對蛋包飯不是特別鐘意既我，呢次竟然要讚下佢地😄😄溫馨提示，小店不接受八達通，但可以用信用卡和現金付款！