天天海南雞飯 (Fashion Walk)

營業中

休息中

喺新加坡度食過天天海南雞飯，又要排隊，服務又麻麻，加上並不如食評中嘅五星米芝蓮，便決定返香港再食多一次。入到去環境優雅，座位舒適，服務也很好，整體感覺似西餐廳多過似中餐廳，同新加坡喺大排檔嘅感覺一啲都唔同，非常舒服。看到餐牌，算是中價位餐廳，點咗人氣最盛嘅海南雞拼炸雞，豆漿雜菜鍋，豬肉骨茶鍋，油飯以及鹹檸檬梳打。首先講海南雞，雞肉冇味不過做得幾滑，全靠醬汁補救。但係炸雞係凍嘅，底下墊左三舊青瓜，所以感覺唔好食。其次係豬肉骨茶鍋，個匙羹係畢唔到啲湯，湯底其實OK嘅，但係啲排骨係完咬唔到，又唔入味。個豆漿雜菜鍋都幾好，但係落咗好多雞腎同埋粉絲。油飯都幾好食，幾香唔算好油。呢餐食左$700幾蚊，我個人認為性價比唔高，唔會再回頭。