影片
更多
2024-02-09
97 瀏覽
老細食鱔日記🪱9 食鱔老細出名係話題Terminator。只要佢參與既討論，就好似一扎烏蠅咁，大家都想捉住隻烏蠅捻爆佢嘅肚，唧佢啲腸出嚟，再將啲腸箍返佢條頸跟住用力一扯！成條脷根出咗嚟，然後再手起刀落！成個世界清淨曬！呢個境界，前無古人。主要係佢既內容都圍繞吹噓自己，冇聽人講，成個氣氛即時Elsa駕臨，冰雪奇緣。我需要同理心同温暖，於是黎到呢度。 🍖泰國野熱辣辣，椰子蜆湯，暖笠笠，最窩心，每隻蜆都漲卜卜，水汪汪，而且非常彈牙。另外不得不提嘅係個湯嘅甜味，特別之處係佢有兩種甜，一種喺椰子水嘅清甜，另一種喺蜆肉嘅鮮甜。配合埋啲菇，特別好味。我個人認為重點喺下面慶住既火，佢地知道湯一定要夠熱先好飲，所以黎嗰安排其實特別窩心，絕對係同理心嘅表現。 🍖我食泰國野一般都會叫生蝦，咖哩，冬陰功，串燒，芒果糯米飯吖咁。近期興起火山排骨，有新菜式所有特別想試。店員笑眯咪好cute咁問我：下，你一個人食吖？我就滿懷自信咁話應該ok吖。上到枱真係好巨型。其實個肉質好林，又有少少肥肉伴住，同埋面頭嘅青醬，所以我真係可以食到一件接一件。無奈佢真係太大舊，性價比奇高，一個人食真係有啲吃力，哩個時候窩心嘅說話又出現
食鱔老細出名係話題Terminator。只要佢參與既討論，就好似一扎烏蠅咁，大家都想捉住隻烏蠅捻爆佢嘅肚，唧佢啲腸出嚟，再將啲腸箍返佢條頸跟住用力一扯！成條脷根出咗嚟，然後再手起刀落！成個世界清淨曬！呢個境界，前無古人。主要係佢既內容都圍繞吹噓自己，冇聽人講，成個氣氛即時Elsa駕臨，冰雪奇緣。我需要同理心同温暖，於是黎到呢度。
🍖泰國野熱辣辣，椰子蜆湯，暖笠笠，最窩心，每隻蜆都漲卜卜，水汪汪，而且非常彈牙。另外不得不提嘅係個湯嘅甜味，特別之處係佢有兩種甜，一種喺椰子水嘅清甜，另一種喺蜆肉嘅鮮甜。配合埋啲菇，特別好味。我個人認為重點喺下面慶住既火，佢地知道湯一定要夠熱先好飲，所以黎嗰安排其實特別窩心，絕對係同理心嘅表現。
🍖我食泰國野一般都會叫生蝦，咖哩，冬陰功，串燒，芒果糯米飯吖咁。近期興起火山排骨，有新菜式所有特別想試。店員笑眯咪好cute咁問我：下，你一個人食吖？我就滿懷自信咁話應該ok吖。上到枱真係好巨型。其實個肉質好林，又有少少肥肉伴住，同埋面頭嘅青醬，所以我真係可以食到一件接一件。無奈佢真係太大舊，性價比奇高，一個人食真係有啲吃力，哩個時候窩心嘅說話又出現啦。店員不經意咁行過同我講咗一句，加油。唔知點解我又有動力食埋落去。食完佢仲同我講，你真係好叻呀。果種成就感又係難以言喻。 同場加映，佢哋見我係咁影排骨，竟然羅出乾冰，幫我增強視覺效果，對我部相機同樣體貼！加分！
✨️一句貼心嘅說話，勝過10句吹噓嘅廢話。我見今晚座無虛席，真係好想帶食鱔老細🪱過黎，學下人地嘅經營之道。
張貼
