泰嘟嘟

大角咀好多嘢食一路都知但係一路都唔知從何入手今日有大角咀地膽介紹咗呢一間泰國菜叫埋朋友一齊食過就發現果然冇介紹錯入到去已經覺得裝修好有特色好啱同friend一齊食嘢飲嘢吹水有幾個卡位係篤篤車咁嘅設計連Menu都有篤篤車嘅相 椰香鮮蝦柚子沙律鮮蝦唔係啲平時啲急凍透明蝦 值得一讚底下有好多一瓣瓣嘅柚子 唔係碎晒好容易夾到 大大啖柚子肉 yum.泰式豬肉碎生菜包正常發揮小食份量夠我地幾條友share.炭燒豬頸肉 豬頸肉係個小火爐上keep到唔會攤凍晒 燒得都幾香口 厚薄適中.粉絲大蝦煲 我哋稱之為是日重點 粉絲炒得乾身味道剛剛好 唔會過鹹 有陣陣嘅胡椒辣味超惹味 配啤酒啱啱好.蒜香椰菜苗 其他餸已經鹹所以叫咗蒜蓉炒菜 清清地 補充纖維芒果糯米飯 食泰國嘢幾飽都好都係要食返個暖笠笠芒果糯米飯作結圓滿結束✔️椰青食完辣嘢未必想再飲有椰奶嘅嘢所以我自己今次嗌咗個冰凍椰青椰青清甜超清爽.總括嚟講嘢食高質價錢親民絕對會再過嚟食飯見到佢仲有啲到會menu下次去人哋屋企嗌到會又多個選擇…Read More

泰嘟嘟位於大角咀區，主打正宗泰國菜，環境簡潔，裝修佈置有濃厚的泰國風情，其中最有特色是嘟嘟車裝飾，店內都有不少打咭位。無骨海南雞半隻：肉質嫩滑、雞味濃郁，並透過香氣十足的雞油飯和三種醬料（薑蓉、辣椒醬、黑醬油）來增添豐富層次。雞油飯粒粒分明且香氣十足。冬陰功海鮮金邊粉：冬陰功湯底酸辣爽口，金邊粉吸滿湯汁，口感煙韌豐富，配上海鮮如蝦仁、青口、蟹柳和魷魚等，鮮甜彈牙，令整體味道層次分明且非常開胃。串燒沙嗲豬肉甜中帶點香辣，香氣四溢，肉質嫩彈且富有泰式香料的層次感，值得一試！泰國啤酒味道偏向清爽、滑順，麥芽香味明顯但口感較為淡雅。…Read More

今日過開大角咀利奧坊附近，順便約朋友食飯就搵咗呢間泰嘟嘟試吓，係泰排檔嘅格局，之前都已經經過幾次，終於有機會可以試吓是日VIP，粉絲大蝦煲咁啱今日天氣轉涼，就諗住整返個熱辣辣粉絲煲食吓，結果真係驚為天人，粉絲夠乾身胡椒味濃，大蝦大大隻肉質好，忍唔住即刻叫多支啤酒嚟送炭燒豬頸肉份量十足，香口得來仲有肉汁，配埋個醬汁嚟食勁香口，而且有蠟燭暖住，食到尾都仲保持到個溫度，正雖然粉絲蝦煲真係太搶fo，但係其他嘢食嘅質素都好唔錯，椰香鮮蝦柚子沙律夠開胃，蒜香椰菜苗大大碟好惹味，生菜包少少辣最緊要多多生菜，唔會食晒啲生菜都未食完啲肉碎食完啲小菜其實都已經好飽，但係都忍唔住叫多咗個芒果糯米飯做甜品，賣相吸引，多多芒少少甜，為呢一餐飯完美作結整體嚟講，嘢食有質素，坐得舒服，今日咁啱仲俾我哋坐到篤篤車卡位，有機會一定會返嚟再食佢個粉絲大蝦煲…Read More

經過大角咀就會見到有間食泰國野既平民小店🤤呢間堅正！同大家推介下雖然舖頭唔大，但係佢裝修設計上面都花咗唔少功夫，有架好似泰國會搭到嘅嘟嘟車可以坐😂點解話呢間平民店因為可以見到以泰國嘢嚟講，呢個價錢真係幾平，款式又多青咖喱雞好多料😌雞肉滑之餘調味亦都恰到好處，吾會得死辣，送埋白飯真係一流呢個蠔煎蛋餅大推！睇下呢隻蠔就知吾係流野🥹又大粒又多汁，配埋煎蛋食完全會停吾到口，仲要入面有起碼7、8隻咁大既蠔🤤呢碟真係不得了另外叫咗個半打串燒，有豬同雞串，同樣地如圖咁大串，食完真係好飽😂加埋佢特製既沙嗲醬真係正架食到溜溜地飲啖檸檬梳打真係解渴，梳打水仲要都係泰國牌子黎👍成餐飯食咗300幾蚊真係超級抵，下次經過都會再食👍😋…Read More

黎到大角咀 每次都會食呢間泰國菜 餐廳佈置色彩繽紛 🌈啱晒打卡 食物又多款式又抵食 唔怪得成日都有人排隊 泰式經典明爐烏頭🐟魚肉嫩滑冇腥味，吸晒湯汁精華，酸酸辣辣超開胃冬陰功海鮮湯湯料多到滿瀉！大頭蝦、青口、雜菇，湯底夠濃郁，一樣開胃🫃招牌蟹肉炒飯呢度係我覺得最有驚喜嘅 有鑊氣飯都炒到粒粒分明，蟹肉又多 仲有佢嘅秘製醬 瞬間提升個鮮味，唔使餸都可以清晒成碟！🦀炭燒豬頸肉外層燒到微焦脆口，咬落去爽彈唔油膩，下面有個爐keep住熱得黎 打卡又靚左🐖你到呢度一定係要嗌佢啲set 價錢好抵食，裏面又有好多款式揀 跟餐嘢飲仲有得半價添 🤑泰嘟嘟 (大角咀)大角咀利得街14號地舖…Read More