影片
更多
2022-05-03
30 瀏覽
有日經過佐敦，發現見到呢度原來有蘿蔔糕買！就算唔係新年嘅季節都有，買來解下口癮都幾好喎～自家製嘅蘿蔔糕（$168）大大底，用上陶瓷兜好揼本！🥸🥸🥸食完仲可以拎返黎放其他嘢，蘿蔔糕食到蘿蔔粒粒，而且拉起有蘿蔔絲，淡淡都好足料，而且仲有好多蝦米同臘腸，整體口味偏鹹，最適合重口味嘅人士食用，點上辣椒醬就更加惹味。蒸嚟用XO醬炒都好好食㗎！😛😛包裝方面，佢哋有自製嘅保溫袋包實，蘿蔔糕仲有真空包裝，十分之衛生同埋方便。只需要返屋企雪住就得了。下次嚟呢度仲可以買埋其他特色小食，有腸粉燒賣等等嘅港式小食仲有炸糭，聽落超好食😋😋😋佢哋鋪面裝修好新淨，而且細細間，食飯時間嚟到都有好多人排緊隊等拎，廚房半開放式一路煮都會傳出陣陣香味！真係好吸引㗎～
張貼
