影片
更多
2024-08-06
1640 瀏覽
落雨天嘅星期六無無聊聊，最適合搵個有情調嘅地方飽餐一頓，朋友介紹中環蘭桂坊呢間Porterhouse - Seafood & Steak，食佢哋個週末早午自助餐，佢哋嘅食物又真係幾豐富喎！餐廳位於加州大廈7樓，一入到去就感受到有種高級時尚嘅氛圍，環境舒適好坐，坐低望出窗外仲可以睇到中環嘅景色，真係幾正。海鮮早午自助餐，每位HKD598，小童HKD279，有各類海鮮、凍肉拼盤、烤肉專區、即煮意大利麵、熱溶芝士及精選沙律，甜品區都比想像中豐富。呢度最吸引梗係海鮮，有新鮮生蠔、龍蝦、蟹腳⋯⋯食物新鮮，賣相都幾唔錯，補充都快速嘅，食完再拎都幾過癮吓！沙律吧就有唔同款嘅沙律同前菜，熱食方面有竟然有蒸海魚、牛扒、燒腩仔、燒雞塊，新鮮熱辣非常吸引，特別係蒸海魚，魚肉高質嫩滑；燒雞塊入味卻嫩口。甜品區都幾豐富，有多種高質意大利甜品，芝士蛋糕、蛋撻、朱古力撻、焦糖布甸、Tiramisu …仲有新鮮水果，尤其鐘意哈蜜瓜同西瓜，爽甜多汁，好適合夏天解暑。
落雨天嘅星期六無無聊聊，最適合搵個有情調嘅地方飽餐一頓，朋友介紹中環蘭桂坊呢間Porterhouse - Seafood & Steak，食佢哋個週末早午自助餐，佢哋嘅食物又真係幾豐富喎！
餐廳位於加州大廈7樓，一入到去就感受到有種高級時尚嘅氛圍，環境舒適好坐，坐低望出窗外仲可以睇到中環嘅景色，真係幾正。
海鮮早午自助餐，每位HKD598，小童HKD279，有各類海鮮、凍肉拼盤、烤肉專區、即煮意大利麵、熱溶芝士及精選沙律，甜品區都比想像中豐富。
呢度最吸引梗係海鮮，有新鮮生蠔、龍蝦、蟹腳⋯⋯食物新鮮，賣相都幾唔錯，補充都快速嘅，食完再拎都幾過癮吓！
沙律吧就有唔同款嘅沙律同前菜，熱食方面有竟然有蒸海魚、牛扒、燒腩仔、燒雞塊，新鮮熱辣非常吸引，特別係蒸海魚，魚肉高質嫩滑；燒雞塊入味卻嫩口。
甜品區都幾豐富，有多種高質意大利甜品，芝士蛋糕、蛋撻、朱古力撻、焦糖布甸、Tiramisu …仲有新鮮水果，尤其鐘意哈蜜瓜同西瓜，爽甜多汁，好適合夏天解暑。
張貼
