芝加哥串燒酒場

之前喺YouTube睇咗肥豪嘅再食就中風，覺得呢間好吸引，咁啱星期日經過中環，一於去回一回佢。叫咗A5極品和牛粒、汁煮牛舌、一口和牛串、韓式牛肋肉、燒汁極品牛頸脊、碳燒牛板鍵、極品即燒乳豬、燒土匪雞翼、明太子玉子燒、香辣雞翅包飯、招牌無骨白鱔串、燒魚肉燒賣、風味羊肉串、極品羊西冷。啤酒就嗌咗藍妹同Magners，係愛爾蘭嘅Apple cider。食咗好多串串燒，串燒全部都燒得啱啱好，調味惹味，一定要叫支啤酒嚟送肉，全部送酒一流。