蘇媽.蘇媽馬來西亞茶餐室

營業中

休息中

今日去到蘇媽蘇媽旺角分店食馬來西亞嘢，一定要一杯拉茶，天氣太熱，唯有要凍飲，可能叫咗少冰少甜，所以成杯野都比較淡味，不過入口依然好香滑，我覺得熱飲的話，茶味同奶味的味道應該會出啲麵類都有幾款選擇，我就係咖喱湯麵同埋喇沙之中揀咗喇沙，面底可自選，我就要咗摻摻，即係油面加米粉，湯底好香，偏辣，佢同出邊嗰啲唔同，有菠蘿同埋紫洋蔥，令到食落嘅感覺唔會好油膩，仲可以加埋蝦膏，提升個湯底嘅海鮮味，適合我呢啲重口味人士，哈哈至於肉骨茶， 今日揀咗棒棒骨，即是豬髀肉，肉質鮮嫩，唔會鞋，配埋佢個自家製豉油，好味