影片
更多
2022-10-25
86 瀏覽
近排做嘢好大壓力，想同朋友傾下計都要「偷」時間去約（嗚嗚），所以今次想搵個舒服啲嘅地方可以坐好耐，傾耐啲，順便一齊食下午茶，再行下尖東海傍睇日落🌄。而呢間B’hood係由Tel Chu同本地著名得獎調酒師Paul Chan，夥拍國際咖啡品質鑑定師Jeffrey Wu，喺尖東附近嘅日夜咖啡酒吧餐廳。好切合近期流行「精品咖啡同highball酒吧」嘅組合，可以全日流連喺餐廳到，朝早下晝就飲咖啡，夜晚就轉mood食個多國菜，再 order cocktail🍶。同埋成間餐廳嘅風格都好行藝術風，所以坐落都幾好打卡㗎🎨。因為我同朋友係下晝過黎，所以都係計劃食下午茶，所以我就叫左Omelette Furittata Menu入面嘅「經典西班牙蛋餅🇪🇸」。（$108）。蛋餅嘅材料當然就係用炒蛋做餅底。而底層有薯仔，有臘肉腸喺面，中間都有好多芝士，真係好邪惡。菜式亦都有牛油果🥑醬可以點，而旁邊仲有唔少配料可以隨意配搭～蛋餅嘅份量比我想像中大份，同埋因為佢係即叫即整，所以上菜喺鐵鍋上面嘅時候仲係熱辣辣，大滿足。另外，我都喺飲品menu到叫左杯「Round and Square」（$78），由茉莉花茶+青蘋
因為我同朋友係下晝過黎，所以都係計劃食下午茶，所以我就叫左Omelette Furittata Menu入面嘅「經典西班牙蛋餅🇪🇸」。（$108）。蛋餅嘅材料當然就係用炒蛋做餅底。而底層有薯仔，有臘肉腸喺面，中間都有好多芝士，真係好邪惡。菜式亦都有牛油果🥑醬可以點，而旁邊仲有唔少配料可以隨意配搭～蛋餅嘅份量比我想像中大份，同埋因為佢係即叫即整，所以上菜喺鐵鍋上面嘅時候仲係熱辣辣，大滿足。
另外，我都喺飲品menu到叫左杯「Round and Square」（$78），由茉莉花茶+青蘋果同埋青提子煮成，面仲有得食芒果雪糕添。而呢杯嘢飲最具特色嘅係，佢無落過一滴水，全茶底，甚至連冰都係用水果冰做成，包括菠蘿以及蔓越莓冰粒。成杯飲落十分fruity同清涼，秋天飲都好refresh！
因為黎到酒吧餐廳，點可以唔飲酒呢！我就點左杯「Hanakotoba」。呢杯highball係餐廳嘅signature cocktail，原來杯嘢飲嘅名意思係講緊「日本嘅花語」。餐廳希望你飲嘅每一啖，都會飲到花嘅元素。所以cocktail嘅酒底係唔同花茶同餐廳獨家製作嘅蘋果醋，再加埋gin組成，飲落去係酸酸甜甜嘅味道，十分之清新。同埋，呢杯嘢之所以大賣，相信同佢嘅賣相息息相關，因為我喺朋友未到嘅時候已經上左菜，佢到之後，見到束花，問我係咪要送花比佢（笑）。束花連埋杯粉紅色嘅酒，真係飲嘅同時都覺得好賞心悅目，心情好好。
張貼
