影片
更多
2023-07-05
44 瀏覽
今日Daddy嚟到銅鑼灣同我食lunch, 帶咗佢嚟到呢間以梵高畫做主題嘅餐廳食飯，餐廳都到處擺咗好多畫作，充滿藝術氣息。我哋各自揀咗一個精選午餐同一個健康午餐，套餐包了飲品及甜品，我哋同樣加$10有齊餐湯同埋頭盤。頭盤（精選午餐）Parma ham 配蜜瓜同埋沙律菜配黑醋醬，好清爽。頭盤（健康午餐）青蘋果車厘茄配沙律菜，由於係健康午餐，呢個係冇醬汁嘅。餐湯個雜菜湯勁足料，青瓜、意大利黃瓜、蕃茄、洋蔥、紅腰豆等等，材料切得好幼細，讚。美國安格斯牛肉漢堡配美式燒烤醬&香草薯角 $168個漢堡包好厚，打卡一流，厚都我要拆件食。個包係冇防腐劑，烘得整塊香脆，好似多士。塊牛肉漢堡半寸厚有多，好有牛肉味，好juicy, 腍滑，美國安格斯牛肉係唔同d，配埋美式燒烤醬，少少甜酸再加埋咸香車打芝士生菜同蕃茄，真係好好味。薯角不是炸的，以香草同凱撒沙律醬調味，亦都好好味。烤加州鱸魚柳伴意式雜菜 （健康午餐）$168魚柳份量都幾多，有兩大塊，個魚皮煎得金黃香脆，魚肉一索索，唔會腥沾上刁草忌廉汁，好適合配魚同埋夏天食。另外，不得不提，伴碟嘅蘆荀好幼嫩。餐飲及甜品健康午餐的甜品係法式焦糖燉蛋只有60卡路里，焦
我哋各自揀咗一個精選午餐同一個健康午餐，套餐包了飲品及甜品，我哋同樣加$10有齊餐湯同埋頭盤。頭盤（精選午餐）
Parma ham 配蜜瓜同埋沙律菜配黑醋醬，好清爽。
頭盤（健康午餐）
青蘋果車厘茄配沙律菜，由於係健康午餐，呢個係冇醬汁嘅。
餐湯
個雜菜湯勁足料，青瓜、意大利黃瓜、蕃茄、洋蔥、紅腰豆等等，材料切得好幼細，讚。
美國安格斯牛肉漢堡配美式燒烤醬&香草薯角 $168
個漢堡包好厚，打卡一流，厚都我要拆件食。個包係冇防腐劑，烘得整塊香脆，好似多士。塊牛肉漢堡半寸厚有多，好有牛肉味，好juicy, 腍滑，美國安格斯牛肉係唔同d，配埋美式燒烤醬，少少甜酸再加埋咸香車打芝士生菜同蕃茄，真係好好味。薯角不是炸的，以香草同凱撒沙律醬調味，亦都好好味。
烤加州鱸魚柳伴意式雜菜 （健康午餐）$168
魚柳份量都幾多，有兩大塊，個魚皮煎得金黃香脆，魚肉一索索，唔會腥沾上刁草忌廉汁，好適合配魚同埋夏天食。另外，不得不提，伴碟嘅蘆荀好幼嫩。
餐飲及甜品
健康午餐的甜品係法式焦糖燉蛋只有60卡路里，焦糖超脆，燉蛋微甜。精選午餐嘅係迷你Tiramisu mousse, 好香滑。
最後飲埋餐飲，呢餐好圓滿，Daddy亦好滿意。
張貼
