影片
更多
2024-06-05
82 瀏覽
好多人既食評都集中係食物，一般都係最後寫兩句，杯野幾好飲吖就算。 🍺咁我決定先介紹杯野先。杯野幾好飲！ 唔係玩，真係幾好飲。Geisha 既手冲不嬲都好味，風味十足，充滿果香，口感舒服輕柔。但係用黎做latte 既expresso base，我就第一次試。雖然比起手冲，一定會深妙左，但係風味依然，苦味冇因為深烘培而增加，仍然保持飲到花香同果香，個人飲到茉莉花同蜜糖既味道。然後係個奶，我飲左半杯，放左好一陣子，個奶都冇乜起泡，哩度有幾個可能性，1.批豆炒完之後，抖夠氣先開始使用。2.打奶嘅時候，入氣入得好，冇吸入過多空氣，3.mixing 做得好，減少牛奶同expresso 撞擊而產生嘅氣體，4.....太多可能性，不過講多無謂，總之就係有哩個效果，總之就係可以做到哩嗰風味。 🍖 All day breakfast，唔難整但係都唔容易整。同其他店舖唔同既有以下，茄汁豆係熱既，入面又有雞絲，增加口感又保持健康。個toast上面查左pesto，好refreshing，令到一向係配角既toast變成其中一個主角。入面有烤芝士，口感好似揀走水既硬豆腐，但烤過芝士味更加濃，更加香。 🍖甜品揀左re
🍺咁我決定先介紹杯野先。杯野幾好飲！
唔係玩，真係幾好飲。Geisha 既手冲不嬲都好味，風味十足，充滿果香，口感舒服輕柔。但係用黎做latte 既expresso base，我就第一次試。雖然比起手冲，一定會深妙左，但係風味依然，苦味冇因為深烘培而增加，仍然保持飲到花香同果香，個人飲到茉莉花同蜜糖既味道。然後係個奶，我飲左半杯，放左好一陣子，個奶都冇乜起泡，哩度有幾個可能性，1.批豆炒完之後，抖夠氣先開始使用。2.打奶嘅時候，入氣入得好，冇吸入過多空氣，3.mixing 做得好，減少牛奶同expresso 撞擊而產生嘅氣體，4.....太多可能性，不過講多無謂，總之就係有哩個效果，總之就係可以做到哩嗰風味。
🍖 All day breakfast，唔難整但係都唔容易整。同其他店舖唔同既有以下，茄汁豆係熱既，入面又有雞絲，增加口感又保持健康。個toast上面查左pesto，好refreshing，令到一向係配角既toast變成其中一個主角。入面有烤芝士，口感好似揀走水既硬豆腐，但烤過芝士味更加濃，更加香。
🍖甜品揀左red velvet蛋糕，當然大家都知道喺朱古力蛋糕，但係色香味真係好重要，變成紅色令到食慾大增，就算已經食完主菜，咁大個蛋糕一樣可以食得哂。
張貼
