日山 (海運大廈)

營業中

休息中

薄燒A5和牛海膽飯 - 日山我暫時只係食過兩次，上次係食壽喜燒，今次就試吓呢個和牛海膽飯。（P.S.呢個飯係要節日或者假期先有）盒飯一嚟到好香，唔好以為係和牛既香氣，其實黑松露味，佢應該係加左黑松露油。打開個飯盒，好靚好精美😍底層係白飯，白飯上面鋪咗蛋絲，然後再鋪上燒左既A5和牛片，再加左兩款魚子醬同埋海膽。和牛入口即溶，好肥美，正👍🏻呢個飯我覺得好多層次，有和牛嘅油香，又有魚子醬同海膽增加鮮味，仲有黑松露嘅香氣，飯裏面都有調味料，應該係柚子醬油，因為有少少酸酸地，所以有咁多油份嘅嘢都唔覺得膩。我覺得呢個飯好食過壽喜燒，真心推介！