牛舞日本燒肉‧涮涮鍋放題 (利舞臺廣場)

營業中

休息中

今日老友請我嚟牛舞食燒肉，佢竟然好豪咁叫個A餐，仲以為佢發咗達，點知食落原來都幾好味係值呢個價。一開始有侍應拎個吉煲過嚟，原來用嚟煮壽喜燒，喺你面前煮係幾特別。Buffet吧出邊啲嘢都係任食，不過都係啲炸嘢咖喱咁，咁我食俾得呢個錢梗係專心食牛啦。日本和牛都算幾多選擇，仲每種配埋唔同汁，但係基本上就咁落鹽已經最能夠食到牛味。員工會主動教你點樣燒，我最初嗰幾塊全部燶，下次同女朋友出街可以喺佢面前表演吓。員工基本上都算親切有禮，會主動幫你換網又會主動幫你介紹吓啲嘢食，放題嚟講到算係咁。應該會再嚟。