老街 (已搬遷) 新店位置

今日放工,一個人來到旺角買生日禮物比朋友 。🎁買完禮物後，已經是晚上六時，便決定吃完晚飯才回家。🍽剛巧經過這間叫老街的台灣食店，看似十分美味，😍便決定進餐廳試一試。由於我是一個人的關係，所以很快便能安排入座，餐廳不算很大 ，座位與座位之間都比較近，店內的裝修都挺特別的，好有懷舊嘅感覺。來到台灣食店，當然要試下它們的牛肉麵🐂🍲，但當日喉嚨有點痛，不想吃得太辣或太 熱氣，所以點了這個蕃茄🍅牛肉麵$66,番茄好清甜，仲有新鮮嘅番茄。正 啲牛肉都好淋，口感不錯。至於啲麵，都煮到啱啱好，唔會太硬或者太淋。整體嚟講，真係好好味，希望下次約埋朋友一齊嚟，咁就可以試到更加多嘅美食。