麻辣派對 (瑞生酒店) (已結業)

呢排科學館搞活動，行完過加連威老道食餐《麻辣派對》。今次試咗蕃茄味型江團(bb辣)~次次都食酸菜魚，今次揀咗蕃茄湯底加少少辣，真係冇揀錯，湯底夠香爐，味道同魚都好夾，江團肉質新鮮又嫩滑，有皮位置入口肥美，配菜份量都唔少，魔芋片，玻璃粉，仲有芽菜、秀珍菇，條條掛滿蕃茄湯汁更覺美味。藤椒花雕白貝~估你唔到原來都幾辣幾搶喉，這種貝類肉質唔錯，呢隻辣度好配合，惹味一流。川北涼粉~天氣仍然炎熱，呢個涼菜食落好舒服，味道唔錯， 麻辣味香濃得嚟唔辣，正！冰雪仙檸C(特飲)~大大杯，青檸+檸檬，唔會太甜，酸酸地好開胃，亦都可以解辣。