蟹仙海鮮私房．蒸氣石碢 (環海大廈)

營業中

休息中

蒸氣火鍋之《蟹仙海鮮私房．蒸氣石碢》尖沙咀除左出名韓國野之外，近年來都多左好多唔同款式嘅美食，包括今日去嘅活海鮮蒸氣火鍋「蟹仙」私房菜😆。尊貴海鮮套餐：野生蟹仔膏+韓國釜山鰻魚+野生琵琶龍蝦+秘製原隻南非乾鮑+大西洋野生青口+加拿大野山海虎蝦+韓國釜山珍珠蠔+蟹皇大元貝+黃金翡翠螺+有機蔬菜籃總共九款海鮮，一款蔬菜、一個粥底。海鮮方面非常新鮮😋。野生蟹仔膏、蟹皇大元貝、野生琵琶龍蝦及大西洋野生青口，入口海水味都重。蟹膏鮮香、琵琶龍蝦肉質爽口啖啖肉，而大元貝上面配襯嘅海膽醬十分濃郁味，青口嫩滑爽甜，基本上海鮮唔需要點豉油都已經好好味😋 粥底方面，九款海鮮嘅味道溶入咗粥底，每啖粥都有海鮮味道，加上菜脯、蔥花、南瓜同埋排骨，令到粥嘅味道更加豐富飲品：選擇左陳皮柑桔檸檬茶，淡淡茶香，有少少酸酸咪咪，啱曬做我地食咗咁多卡路里及咁濃厚味道後嘅飲品🙊總結：香港粥底海鮮店舖雖多，但呢一間絕不錯👍🏻。海鮮新鮮之餘，店員服務態度亦都好好。食前都會介紹，以及同客人講點樣食會最好食👍🏻。另外，餐廳鼓勵客人用現金或轉數快付款，因為仲會送多客是日甜品😋。