影片
更多
2025-06-12
474 瀏覽
呢日嚟咗呢間專門食鰻魚嘅餐廳食午餐🤣鰻魚真係有好多故仔可以講，有關鰻魚嘅知識亦都非常廣泛，有啲仲幾深奧，不過全部都幾有趣🤣咁我係咁意講少少關於鰻魚嘅嘢🤣：例如，邊個季節食鰻魚最好呢？當然喺日本🇯🇵一年四季都有得食🤣，不過有講法話喺冬天之前10-12月鰻魚準備過冬聚積脂肪嗰陣最肥美🤣；另一個講法就係夏天食最適合，2025年嘅《土用の丑の日》係喺7月19日 同埋 7月31日，《土用の丑の日》係日本傳統節日，有時一年有一日有時一年有兩日（一の丑、二の丑），日本人🇯🇵會喺呢一日（或兩日）食鰻魚因為認為就可以喺炎熱嘅夏季保持體力，呢個傳統始於江戶時代，其中以讚岐國出身嘅 平賀源內 之說最有名，話說某個鰻魚店老闆因為生意唔好尤其係夏天，問一位叫 平賀源內 嘅所謂「天才型學者」點樣可以賣多啲鰻魚，平賀源內 建議 鰻魚店主 喺店頭張貼「本日丑の日」，結果鰻魚銷情大好，此後，其他鰻魚店也依樣模仿，《土用の丑の日》食鰻魚就逐漸成為一種習慣🤣依家喺香港餐廳食到嘅鰻魚絕大部份都係嚟自中國養殖嘅鰻魚，所以越買越平🤣，就算喺日本食嘅鰻魚都有超過50%係嚟自中國🤣；而呢間餐廳嘅鰻魚係嚟自日本🇯🇵静岡県，静岡県有好出
鰻魚真係有好多故仔可以講，有關鰻魚嘅知識亦都非常廣泛，有啲仲幾深奧，不過全部都幾有趣🤣
咁我係咁意講少少關於鰻魚嘅嘢🤣：例如，邊個季節食鰻魚最好呢？當然喺日本🇯🇵一年四季都有得食🤣，不過有講法話喺冬天之前10-12月鰻魚準備過冬聚積脂肪嗰陣最肥美🤣；另一個講法就係夏天食最適合，2025年嘅《土用の丑の日》係喺7月19日 同埋 7月31日，《土用の丑の日》係日本傳統節日，有時一年有一日有時一年有兩日（一の丑、二の丑），日本人🇯🇵會喺呢一日（或兩日）食鰻魚因為認為就可以喺炎熱嘅夏季保持體力，呢個傳統始於江戶時代，其中以讚岐國出身嘅 平賀源內 之說最有名，話說某個鰻魚店老闆因為生意唔好尤其係夏天，問一位叫 平賀源內 嘅所謂「天才型學者」點樣可以賣多啲鰻魚，平賀源內 建議 鰻魚店主 喺店頭張貼「本日丑の日」，結果鰻魚銷情大好，此後，其他鰻魚店也依樣模仿，《土用の丑の日》食鰻魚就逐漸成為一種習慣🤣
依家喺香港餐廳食到嘅鰻魚絕大部份都係嚟自中國養殖嘅鰻魚，所以越買越平🤣，就算喺日本食嘅鰻魚都有超過50%係嚟自中國🤣；而呢間餐廳嘅鰻魚係嚟自日本🇯🇵静岡県，静岡県有好出名出鰻魚嘅地方，呢間餐廳喺日本🇯🇵亦有好多分店，總店就喺名古屋，名古屋有勁多鰻魚老店，我去過其中幾間，不過就唔係好記得有冇去過名古屋嘅《うなぎ四代目菊川》🤣
其實仲有好多好有趣嘅鰻魚知識，例如價錢勁貴嘅 鰻魚苗 又叫 Glass Eel 或者 Elvers 或 エルヴァー 點樣養殖唔到需要野生捕獲但係2024年喺科技上又有重大突破 … 凡此種種嘅知識想知道就自己上網睇啦 🤣
呢日食咗【期間限定】 $398「うなぎ紅白一本重 / 紅白雙拼一本重」，包括：
蒲燒鰻魚半身
白燒鰻魚半身
鰻肝湯
時令配菜
日式醃菜
三吃配料
蒲燒鰻魚 同 白燒鰻魚 我同樣鍾意😊；傳統老店嘅蒲燒汁可能已經有幾十年甚至上百年歷史，淨係食個歷史感覺已經好正，加埋鰻魚嘅精華咁甜甜哋嘅蒲燒汁當然好味啦🤣；白燒就比較食到原味，如果鰻魚本身高質素廚師功力又夠咁會非常好食🤣；我首先就咁食 蒲燒鰻魚飯 同埋 白燒鰻魚飯，有鰻魚鮮味，有少少炭烤味，幾好味🤣
跟住我自製二食🤣：加 わさび 同埋薑蓉 仲有 粉紅色嘅好似係岩鹽，咁味道層次又豐富啲啲🤣
跟住我又自製三食：加埋鰻魚醬油 同埋 山椒 サンショウ，我超鍾意 サンショウ 因為同鰻魚勁夾 🤣
跟住我又重複最簡單嘅一食🤣；點樣食真係隨你鍾意🤣
其他仲有鰻魚肝湯🤣
張貼
