影片
更多
2024-05-02
41 瀏覽
又到咗俾人老屈食貴嘢嘅時間，但係俾人老屈得嚟又要寫食評一定有啲原因。今次佢揀咗上環嘅一間廚師發辦，喺上環站行過去唔係好遠，5分鐘多啲，唔使10分鐘就到。去到見到舖頭外面，覺得間嘢都幾型。去食廚師發辦入到去例牌都同廚師打個招呼，之後侍應攞咗兩個餐牌出嚟，一個貴餐，一個平餐，貴餐大概$3000一位，平餐大概$2000一位。大佬，好窮，只可以食平餐。前菜係北海道帆立貝配螢光魷魚及菜梔花(溫馨提示:啲名係個廚師講，係咪真係咁寫同我有無聽錯我都唔肯定)。呢個幾特別，因為螢光魷魚我冇食過係暖嘅。之後嗰北海道帆立貝好鬼甜，當然個菜都好新鮮啦。之後係食刺身，刺身有四款。所有用料都好新鮮！第一款係鯛魚配紫蘇葉花同海膽蛋黃醬，呢個冇乜特別，只要用了新鮮，再加上師傅優良嘅刀工，就唔會唔好食。第二款就真係精彩，深海鯛用網燒，半生熟，無敵！完整保持左原有既鮮味，但又有燒左既香味，一啖兩款口感。跟住喺隔離嘅係長崎生蠔，配上金箔雍容華貴！再嚟就係針魚配薑蓉，同埋金目雕配新鮮山葵。我個人而言好喜歡針魚！有濃郁嘅魚味！針魚師傅會好細心咁切咗條尾，因為太多筋。食完刺身就食煮物，第一個係汁煮鮟鱇魚肝，我從來未食過魚肝，原來
今次佢揀咗上環嘅一間廚師發辦，喺上環站行過去唔係好遠，5分鐘多啲，唔使10分鐘就到。去到見到舖頭外面，覺得間嘢都幾型。
去食廚師發辦入到去例牌都同廚師打個招呼，之後侍應攞咗兩個餐牌出嚟，一個貴餐，一個平餐，貴餐大概$3000一位，平餐大概$2000一位。
大佬，好窮，只可以食平餐。
前菜係北海道帆立貝配螢光魷魚及菜梔花(溫馨提示:啲名係個廚師講，係咪真係咁寫同我有無聽錯我都唔肯定)。呢個幾特別，因為螢光魷魚我冇食過係暖嘅。之後嗰北海道帆立貝好鬼甜，當然個菜都好新鮮啦。
之後係食刺身，刺身有四款。所有用料都好新鮮！第一款係鯛魚配紫蘇葉花同海膽蛋黃醬，呢個冇乜特別，只要用了新鮮，再加上師傅優良嘅刀工，就唔會唔好食。
第二款就真係精彩，深海鯛用網燒，半生熟，無敵！完整保持左原有既鮮味，但又有燒左既香味，一啖兩款口感。跟住喺隔離嘅係長崎生蠔，配上金箔雍容華貴！
再嚟就係針魚配薑蓉，同埋金目雕配新鮮山葵。我個人而言好喜歡針魚！有濃郁嘅魚味！針魚師傅會好細心咁切咗條尾，因為太多筋。
食完刺身就食煮物，第一個係汁煮鮟鱇魚肝，我從來未食過魚肝，原來好好食，比鵝肝唔差得遠！
同燒物，係燒金鯛配紫菜湯。條魚出色就固然之，肉嫩，魚鱗燒到脆卜卜。但係同時唔好睇少個汁，係用新鮮紫菜熬出嚟，好飲到當湯咁飲晒。
之後到壽司，食材已經放晒喺度展示咗俾你睇先
第一件好搞笑，係鳥貝，師傅包完件壽司之後打咗佢一下，隻鳥就即刻扯起晒，食落好甜
第二件係赤貝，佢同鳥貝嘅賣點完全唔同，佢係賣爽口既。第三件係小肌魚，充滿鹹香。再嚟係池魚配米麵豉，同時加入乾辣椒。
之後拖羅。依個正，平時一嚿好厚，硬係有啲等筋，食落唔太舒筋。今次師傅將佢切咗做三個薄片，冇晒啲筋，食落超舒服，又係另外一個層次
海膽壽司，又係新鮮就嬴。不過嬴上加嬴既係乜？就係有勁多新鮮既海膽係同一件壽司上面
最後嚟一件赤目魚，炙一炙，夠晒香
之後嚟嘅係一件玉子燒。呢件玉子燒好特別，同平時食到嘅唔同，佢下面似布甸，上面似蛋糕。
到湯啦，一碗湯用四隻手掌咁大既蜆煲出嚟，好難唔好飲，但廚師再加上青檸在其中，碗湯馬上又到達咗另外一個層次
最後，超級甜嘅靜岡蜜瓜，宮城芒果
番外篇：
個廁所靚到冇得輸！用返日式廁所，全部用非接觸式控制，洗手液同埋香薰用英國著名品牌，吹風機用德國品牌，唔會因為去廁所而覺得去咗另外一個配合唔到餐廳感覺既世界
去到最尾，雖然埋單成四千幾，但以全個用餐感受而言，同廚師仲有老闆既心思，都算抵。
張貼
