影片
更多
2019-05-28
78 瀏覽
同朋友相聚，佢提議食呢間C's Bakery。佢話以前係麵包店，平時放假間唔中都會嚟呢度買cake買包，依家變咗餐廳反而未試過現場食。店鋪環境唔大，大約坐到8-10個人左右。去到都要排10分鐘先入到。點咗一份All day breakfast同埋一份burger。All day breakfast 份量好大，除咗有自家整麵包，仲有牛油果醬、煙三文魚、炒雜菇、煙肉、炒蛋同埋生菜，菜用咗黑醋調味，蛋嘅顏色好黃，估計係用咗日本蛋。牛油果醬可以夾煙三文魚連埋麵包一齊食，咁多款嘢食入面當中最好味嘅係芝士腸，因為好重芝士，啱哂我口味😋食嘅時候，老闆問要唔要牛油搽麵包，估唔到佢哋將牛油整成玫瑰花，好精緻😍睇得出呢間鋪好有心思。Burger 佢將菜同個包分開咗，擺碟係靚咗，不過食burger我自己鐘意連埋菜夾埋一齊食，因為食嘅時候會食到菜嘅爽脆。入面塊漢堡估計係手打，好厚好有肉感，上下都有芝士夾住，好邪惡但又好吸引🤤見到旁邊杯嘢飲畫得好靚，我哋都加錢各自叫咗一杯紫薯Latte同玫瑰咖啡☕️紫薯Latte畫咗隻寵物小精靈嘅毒氣丸，可能咖啡師覺得我毒毒哋，呢隻襯哂我。至於玫瑰咖啡就畫咗隻狗仔。畫得好精緻，靚
店鋪環境唔大，大約坐到8-10個人左右。去到都要排10分鐘先入到。點咗一份All day breakfast同埋一份burger。
All day breakfast 份量好大，除咗有自家整麵包，仲有牛油果醬、煙三文魚、炒雜菇、煙肉、炒蛋同埋生菜，菜用咗黑醋調味，蛋嘅顏色好黃，估計係用咗日本蛋。牛油果醬可以夾煙三文魚連埋麵包一齊食，咁多款嘢食入面當中最好味嘅係芝士腸，因為好重芝士，啱哂我口味😋
食嘅時候，老闆問要唔要牛油搽麵包，估唔到佢哋將牛油整成玫瑰花，好精緻😍睇得出呢間鋪好有心思。
Burger 佢將菜同個包分開咗，擺碟係靚咗，不過食burger我自己鐘意連埋菜夾埋一齊食，因為食嘅時候會食到菜嘅爽脆。入面塊漢堡估計係手打，好厚好有肉感，上下都有芝士夾住，好邪惡但又好吸引🤤
見到旁邊杯嘢飲畫得好靚，我哋都加錢各自叫咗一杯紫薯Latte同玫瑰咖啡☕️
紫薯Latte畫咗隻寵物小精靈嘅毒氣丸，可能咖啡師覺得我毒毒哋，呢隻襯哂我。
至於玫瑰咖啡就畫咗隻狗仔。畫得好精緻，靚到唔捨得飲，不停係度望。
食緊午餐期間，不斷有人order cake，為免食完咩都冇哂，朋友就通知老闆預留咗兩件cake。
朱古力味好濃，但食落去又唔會膩👍🏻
芒果拿破崙，咬落去好鬆脆，芒果味好濃。難怪多人會order👍🏻
呢間鋪嘅嘢食係感受到佢哋整嘅時候落足心思，呢種感覺唔係周圍都見到，尤其係充斥住連鎖店嘅商場內，抵讚👍🏻👍🏻👍🏻
張貼
