御膳

營業中

休息中

香港租金高昂，在人口密集的商業區，食肆難免要愈搬愈高。競爭愈激烈，愈要在食物上花心思。今日到觀塘區開會睇貨辦之後，個 vendor 帶左我黎呢個位處觀塘工業區邊皮的私房菜「御膳」食飯。聽到餐廳叫「御膳」，難免對食物的期望較高。踏入工廈，剛步出升降機，便見到簡樸的門面。推開大門，才見到入面人頭湧湧。說真的，樓上私房菜的確係有優勢，因為租金的較低，使食物價格更大眾化，令食客可以以經濟實惠的價錢食好野。對食肆、對食客係雙贏。坐底冇耐就上菜了。這裡的御膳並唔係食滿漢全席，而係主打時令海鮮。香芒大蝦沙律的大蝦係炸蝦，難得地上配沙律之後都keep到好脆。一人一份的確係有少少大份，但好食嘅野我又唔介意大份啲。大蜆豆腐湯隻蜆真係好大隻，成隻碗都裝唔曬。湯底係魚湯，同大蜆個味好夾。豆腐雖然屬於個湯的配角，但難得地煮得好滑，不期然飲多碗。花雕蛋白蒸蟹同大蜆燉蛋絕對係今餐的亮點。海鮮用蒸煮理永遠最正，食材新鮮的話，海鮮味道更加突出。蛋黃蛋白吸收左海鮮精華後，一黃一白都有好深刻的對比。蛋白吸收蟹香，味道帶少少薑味，亦帶少少酒香，清新得黎有d刺激。大蜆的蒸蛋黃則帶有好強烈的香味，有部份蛋黃更留左係蜆上面，o個種