影片
更多
2017-12-21
5664 瀏覽
旺角開左一個新商場，用綠色概念做主題，加入左大量綠色植物元素，名為「The FOREST」，為港人同遊客一個嶄新購物點。行到一樓，見到一間餐廳又係以植物佈置，感覺舒適雅致，就被吸引過嚟。好多半懸嘅植物，做成一道掛簾，萬綠叢中用餐，添上一抹清新!中午時段餐牌只有兩張，早午餐12:00-17:00供應，另一張係散點食物。叫左一個SET同朋友SHARE，再叫左啲散點食物。早午餐 《1 + 2 +3》 $98熱班蘭咖啡+$8 - 泡沫豐富，咖啡味香，只有淡淡班蘭味道，如果加重班蘭味道，會更加平衡。椰香黃咖哩雞扒配絲苗白飯 - 飯量多，咖哩汁夠。黃咖哩入面有椰香味，聞落已經好香，入口味道帶甜，幾好食。咖哩汁應該係就咁淋上雞扒上面，所以雞扒入面係冇乜咖哩味，唔夠入味。絲苗白飯上面加左啲炸椰子絲，香口，更有風味。泰式糕點(西米糕同椰青肉大菜糕各兩件) 跟餐甜品都有擺碟，算係幾有心思。西米糕唔多講，基本上間間餐廳都做得好食。椰青肉大菜糕入面有一條條椰青肉，味道清甜爽口，我同朋友都用手去攞，以為外面係有個膠殼，點知原來係冇包裝嘅，用叉食就得, 一個一口!芒果蟹肉沙律配柑桔汁$82 - 柑桔醬汁係一
行到一樓，見到一間餐廳又係以植物佈置，感覺舒適雅致，就被吸引過嚟。好多半懸嘅植物，做成一道掛簾，萬綠叢中用餐，添上一抹清新!
中午時段餐牌只有兩張，早午餐12:00-17:00供應，另一張係散點食物。
叫左一個SET同朋友SHARE，再叫左啲散點食物。
早午餐 《1 + 2 +3》 $98
熱班蘭咖啡+$8 - 泡沫豐富，咖啡味香，只有淡淡班蘭味道，如果加重班蘭味道，會更加平衡。
椰香黃咖哩雞扒配絲苗白飯 - 飯量多，咖哩汁夠。黃咖哩入面有椰香味，聞落已經好香，入口味道帶甜，幾好食。咖哩汁應該係就咁淋上雞扒上面，所以雞扒入面係冇乜咖哩味，唔夠入味。絲苗白飯上面加左啲炸椰子絲，香口，更有風味。
泰式糕點(西米糕同椰青肉大菜糕各兩件) 跟餐甜品都有擺碟，算係幾有心思。西米糕唔多講，基本上間間餐廳都做得好食。椰青肉大菜糕入面有一條條椰青肉，味道清甜爽口，我同朋友都用手去攞，以為外面係有個膠殼，點知原來係冇包裝嘅，用叉食就得, 一個一口!
芒果蟹肉沙律配柑桔汁$82 - 柑桔醬汁係一碟另上，味道似「益力多」，唔太啱我口味。沙律下面有啲小蕃茄，新鮮芒果肉大大粒，最驚喜係有真·蟹肉，一梳梳，味道鮮甜仲要超多，呢個好味又抵食!
芒果蟹肉沙律配柑桔汁
$82
61 瀏覽
0 讚好
0 留言
惹味拼盤(小)$88 - 菠蘿雞翼 、庶蝦、青檸雞槌、炸雞卷、魚餅每款有兩件，全部都熱辣辣。
雞翼去左骨，入面釀有菠蘿粒，再用竹籤串住，食得好方便。
雞鎚造型可愛，有少少青檸味，但就細隻啲，一啖都食完~~
鮮熱情果梳打$36 - 最後要大讚呢個特飲，自己好鍾意熱情果味，嗰種香甜嘅特殊果香味真係好正，同埋可以咬‧咬‧咬百香果籽，實在大愛。 但喺香港我未飲過新鮮熱情果做嘅飲品，本地熱情果一向偏瘦偏酸，又冇穩定供應，所以冇乜餐應有新鮮熱情果。熱情果又益處多多，養顏美容、生津止渴、幫助消化、化痰止咳、延緩衰老……點可以唔愛死佢呢?! 加左梳打減低酸味，更加好飲。呢杯梳打，會係我再嚟食嘅最大原因~
鮮熱情果梳打
$36
68 瀏覽
0 讚好
0 留言
張貼
