影片
更多
2025-04-01
251 瀏覽
未去之前見到呢間餐廳0負評，仲要攞獎，已經滿心期待😆😆點知去到真係超好食👍🏻👍🏻👍🏻我覺得可以形容為菲律賓菜天花板🙈Inihaw na Pusit 烤魷魚 $108呢一款係侍應推介嘅烤魷魚，嘩！佢哋用咗好多調味料去烤，一上枱就聞到成陣焦香魷魚味，仲要啲魷魚烤到金黃色，表面有啲微焦嘅部分，魷魚肉依然保持鮮嫩多汁，外脆內嫩，口感一流！👍🏻 Sarsiado Apahap $158鮮嫩嘅魚肉下面加一層大蒜，洋蔥，番茄和芹菜，啲調味加埋佢哋煎得啱啱好嘅魚肉，吸收晒湯汁嘅精華，鮮嫩入味，皮脆肉嫩，難怪我見咁多人嗌👍🏻👍🏻👍🏻Kaldereta Baka $168呢個簡直係主菜嘅重點，送飯一流🤣佢用番茄、薯仔、紅蘿蔔、青椒同埋牛肉炆煮，個醬汁真係精華所在！形容唔到俾大家聽點好食法，但一定要嗌飯！不過我自己鐘意啲薯仔煮得硬身，呢間餐廳少有做到，佢哋直頭放咗成粒薯仔落去🤣Mango Graham Float $88食完前面兩個Main，其實已經有啲飽，但我見枱枱客都有嗌甜品，而呢個都係最多人嗌，決定嗌一個嚟試吓，好感恩自己有嗌到呢個甜品，因為真係一試難忘！佢係高級版楊枝甘露甜品，層層疊嘅芒果、忌廉、g
未去之前見到呢間餐廳0負評，仲要攞獎，已經滿心期待😆😆點知去到真係超好食👍🏻👍🏻👍🏻我覺得可以形容為菲律賓菜天花板🙈
Inihaw na Pusit 烤魷魚 $108
呢一款係侍應推介嘅烤魷魚，嘩！佢哋用咗好多調味料去烤，一上枱就聞到成陣焦香魷魚味，仲要啲魷魚烤到金黃色，表面有啲微焦嘅部分，魷魚肉依然保持鮮嫩多汁，外脆內嫩，口感一流！👍🏻
Sarsiado Apahap $158
鮮嫩嘅魚肉下面加一層大蒜，洋蔥，番茄和芹菜，啲調味加埋佢哋煎得啱啱好嘅魚肉，吸收晒湯汁嘅精華，鮮嫩入味，皮脆肉嫩，難怪我見咁多人嗌👍🏻👍🏻👍🏻
Kaldereta Baka $168
呢個簡直係主菜嘅重點，送飯一流🤣佢用番茄、薯仔、紅蘿蔔、青椒同埋牛肉炆煮，個醬汁真係精華所在！形容唔到俾大家聽點好食法，但一定要嗌飯！不過我自己鐘意啲薯仔煮得硬身，呢間餐廳少有做到，佢哋直頭放咗成粒薯仔落去🤣
Mango Graham Float $88
食完前面兩個Main，其實已經有啲飽，但我見枱枱客都有嗌甜品，而呢個都係最多人嗌，決定嗌一個嚟試吓，好感恩自己有嗌到呢個甜品，因為真係一試難忘！佢係高級版楊枝甘露甜品，層層疊嘅芒果、忌廉、graham餅乾，雪到勁凍，咬落口有啲沙冰嘅感覺，加埋啲幼滑忌廉，入口即溶，好推介！⭐️⭐️⭐️⭐️
House Blend Iced Tea $48
Calamansi Highball $88
張貼