米走雞Live

營業中

休息中

餐廳面積闊落，2小口或者大班朋友聚會都好適合。餐廳有調味區，侍應仲會及時幫手加湯，非常體貼。今次揀咗「椰皇雞湯底」，好香嘅椰皇味，湯底入面有大舊嘅椰皇肉同嫩滑嘅雞件，飲啖已經覺得好清甜～椰皇嘅香味好突出，帶點微微嘅奶香，湯底仲有啲薑片嘅辛香！先咗湯真係好開胃，完全唔會覺得滯～ 我仲點咗「鮮蝦滑」，蝦滑打得好細膩，口感彈牙得嚟又帶點滑溜，吸咗椰皇雞湯底嘅精華之後，味道更加豐富～每一啖都充滿椰皇嘅香氣同蝦嘅鮮味！ 「脆肉鯇魚片」真係好新鮮！魚片切得薄薄哋，魚肉好嫩滑，煮完之後依然保持彈牙嘅口感，完全冇腥味～配埋椰皇雞湯底，椰皇嘅清甜味道同魚片嘅鮮味互相襯托 最後一定要提嘅係鮮炸響鈴，呢個真係無得輸！響鈴炸得金黃酥脆，放落湯底浸幾秒就已經吸滿湯汁，入口即化，帶點微微嘅豆香～配埋椰皇雞湯底，椰皇嘅香氣同響鈴嘅酥脆口感完美結合 湯底真係好出色，配料亦都做得非常用心，特別係手打鮮蝦滑同脆肉鯇魚片！