相馬日式火鍋 荔枝角

營業中

休息中

星期六中午來食大閘蟹，見到門面同環境裝修比較舊。由於我去過台灣相馬，以為同一集團，當然這是我一廂情願的想法。叫完個2人任食蟹餐，走出去視察自助區，啲雞肶菇唔知放咗幾耐變哂啡黃色，唔敢食；由頭到尾，除咗拎雪條、汽水同一杯羗茶(個熱水壺只倒剩一杯羗茶，想拎多一杯都冇)，完全冇拎過火煱食材。醬料區無新鮮指天椒供應，只有碎辣椒乾。雪糕柜霉漬黑哂邊，汽水柜下面成氹漬水，下欄車個泊車位污漬班班，條抹枱布啡啡黃黃隨手丟在車上。成個場得十零張枱有人坐，開始感覺有啲中伏。除了筷子剪刀，其他食蟹工具是要去下欄車旁的餐具區自取。第一輪四只大閘蟹，連一盤牛肉、雞肉、豬肉，及一盆海鮮；呢啲係店家自上，唔使自己落柯打。除咗最大果隻蟹有啲羔，其他果啲都好少；蟹冇蟹味，肉又冇乜肉食。屋企人反問做乜蟹BB都殺。炸物蝦多士好黑，蝦膠係好薄一層，塊多士索哂千年油，食咗半啖放棄。店家牛小排肉及牛肩胛肉好正常。肥牛真係肥過豬腩肉，佔三份二以上肥羔。人均$471呢個價位，食蟹連洗手盅或一張濕紙巾都無得供應。食完呢次我同屋企人都話唔會返轉頭。主角大閘蟹完全唔掂，自己出街買好過。對環境衛生有要求的客人要有心理準備。