Mata Japanese Cuisine

營業中

休息中

環境好溫馨，有日式居酒屋感覺，有勁多日本Figure。前菜有自家製嘅豆腐泡菜，同柚子蘿蔔。泡菜酸爽，仲有粒粒甘筍，非常醒胃。蘿蔔清爽，夾埋淡淡柚子香，食不停口。炸池魚仔非常香脆，外面落咗大量七味粉，內裡飽滿鮮甜，非常惹味，送酒一流。叉燒和牛串燒，一開始以為各一串，點知係用叉燒醬嚟燒和牛，外面微焦，入面香嫩，有叉燒醬甜之餘又有牛味。雞橫膈膜串燒，有咬口而不會韌，配上燒汁，係居酒屋嘅經典美味。招牌南蠻雞，平常嘅係炸起，今次係用煎嘅形式，配上燒汁薑汁，同埋特製蛋沙律，同爆量椰菜，大滿足。呢個特別嘅配搭，唔會太熱氣，唔會太漏，依舊係南蠻風味，更顯雞肉嘅嫩滑爆汁。最後仲送左甜品手作花生酥添，入口鬆化，濃香花生，回味無窮。我地仲揀咗signature cocktail 添！ 黃 有啲似益力多，用蛋酒做基底，非常易入口。青 有wasabi 調味，好清新，仲有微微果香，食完濃味嘢就至夾。