迎麵

營業中

休息中

同事話D2對面新開左間車仔麵，今日想一齊去試下。平時出去食車仔麵通常都係比較擠迫及環境一般，講呢間舖頭一入去感覺係乾淨企理。餐廳係用點餐機落單，一入門口有2部，旁邊有個職員協助。似快餐店形式，落完單入去坐低，等叫號，再出去拎餐。取餐處旁邊有配料可以自己加，主要係醋、蔥(果日無晒)果D，另外可以自己斟水飲。今次叫左3餸麵，基本麵底款式都有，另外可以加錢轉烏冬或一丁。牛根、貢丸、響鈴粗麵配牛腩汁湯底，全部餸菜都正常發揮，正正常常，不過不失。湯底唔錯👍🏻比較特別既係枱面有牙線捧機，喺香港來講真係好少見。