迎麵

車仔麵絕對是我的學生年代時其中一種經常吃的食物，餸菜款式多又便宜不怕會吃到厭！工作以後就比較少接觸到車仔麵，店越來越少且質素每況越下是主因；最近就聽說了荔枝角一間蠻好口碑的車仔麵店，來一試其招牌湯底是否如評價般令人三回味 五餸麵（轉蘿蔔底） $66自家製韮菜餃 +$4手拉凍奶茶 +7（跟餐價） $18（單點）店家有一樣超強皇牌，就是他們的招牌瑤柱金湯啊！以雞肉、牛骨、豬骨、瑤柱等熬上5小時而成，湯頭呈亮金黃色，濃郁甘甜鮮味足，而且還有滿滿的瑤柱絲，單喝這個湯頭也可以！真的超讚又沒有味精，雖說湯底可說麻辣、沙嗲等選擇，不過眼見店內大部分客人都選這個金湯做湯底，就知道這個招牌湯底就多出色！車仔麵的精髓就在於選擇夠多，雖說店家提供的只有三餸、四餸及五餸麵可選，但其實麵底跟餸菜配料種類非常多！麵底方面有粗麵幼麵油麵等，也可以加錢轉公仔麵或稻庭烏冬；不想吃太多的話可以選生菜、通菜、菜心、蘿蔔等代替，推介一定要吃蘿蔔啊！蘿蔔自身已經夠清甜，再吸收湯頭的精華就更好味～餸菜配料種類相當多，目測有超過30款而且大部份都不用額外加錢就食到了～ 超推薦自家製韮菜餃跟豬油渣，兩款都是由店家親自炮製！韮菜餃size超巨型，兩隻餃子跟平常吃到的4隻份量差不多，皮夠薄餡料新鮮又夠多，咬一口有肉汁也吃到上韮菜的獨特清甜味，單是回想起已流口水了～ 而豬油渣是店家精選上等五花腩煎炸成型，金黃色的外表吃起來酥香沒半點油耗味，邪惡又美味！除了這兩款，也嚐了牛腩、豬大腸跟牛肚，幾款味道都不錯，牛腩炆得入味腍滑；豬大腸處理得很好，跟牛肚一樣都是很爽口！吃了這麼多，想來個飲品的話建議來一支手拉凍奶茶，平常喝奶茶不加糖的我不太會喝外邊已調好的凍奶茶就怕會添加很多的糖份；可這裡的調配得很好，只有很少的甜味但入口香醇奶滑，值得一試啊店家在荔枝角一座工廠大廈地鋪開業只有4個月左右，屬於區內的新食肆之一，不過短短數月就做出口碑來，很受附近的上班族歡迎啊！這裡是採取快餐店做法，先在自助機下單付款再找位置等上菜就可以～ 感覺到店家都是很用心去準備也緊張食物的品質，始終車仔麵其實是一種價格相宜但準備功夫比較多的一種菜式，單是那個湯底就已經覺得太誇張了，而且能夠做到每款食品都好吃其實背後花費很多心思跟努力才完成；而且每位店員都非常熱心好客，由下單到招待客人都不怠慢！現在做飲食業真的比以往有更大挑戰，希望這樣有質素的小店能夠一直堅持也有更多的客人來支持呀…查看更多

今日心心念念一間湯份，所以即使30幾度高溫都要行去買🤣🤣 今日的午餐係「迎麵」嘅 招牌瑤柱金湯米線。🍜 招牌瑤柱金湯湯底色澤金黃，入口帶瑤柱鮮香同濃厚骨湯味，飲落幾順喉。外賣返到屋企都仲有熱度，油份唔算太重，唔會覺得膩。🍲 配料我加左4蚊食魚肉春卷、豬耳同牛肚❤️豬耳同牛肚都係炆到好淋，係我鐘意的口感😆😆🍜 米粉米粉份量足，質地爽滑，拌埋金湯一齊食，鹹鮮味啱啱好。🧃飲品我加左$7加佢既檸檬茶，係好好飲！見到有人用$20淨係買黎飲，就知幾有質素😍🌟 推介指數：★★★★☆🍃 Chill 指數：★★★★☆…查看更多

見番舊朋友，大力推薦呢間車仔麵，於是特地嚟試一試。真心唔失望！佢哋嘅湯底好濃郁，飲落暖胃又順喉。麵質彈牙，我揀咗三款餸：牛腩、牛筯同魚蛋，幾鍾意牛筯。$60三餸連一樽凍奶茶，價錢唔平但食落有驚喜！番到office打開個麵竟然有瑤柱，個湯仲要幾好飲唔係劣味精。凍奶茶香濃順滑，茶味夠重，唔會太甜。服務員態度親切，落單同上菜都好快。整體嚟講，呢間車仔麵真是一個唔錯嘅選擇，今時今日$60食個晏其實選擇都唔少，但好食用心制作真心唔多，值得一試！…查看更多

唔係平民路線既車仔麵，但絕對係》對得住價錢既車仔餸呀！叫咗3碗，揀咗好多款餸，牛腩、牛筋、牛肚、豬腸，焦糖雞翼、墨丸、湯餃、豬紅、炸餃單點～老老豆豆，除咗牛腩，牛肚，豬腸唔夠淋外，其他餸都好食！ 但隻佬話有啲𡁻口先係正，話我呢啲無牙婆唔識食😅 咁我都真係鍾意淋啲既～特別推介炸餃，根本就係招牌啦！ 同湯餃一樣皮簿多餡～ 但炸既再正一截😱 放底咗2-3分鐘再食都仲係juicy熱辣辣！皮無重疊位所以炸完唔會硬屈屈，係脆架！ 個仔平時對餃子麻麻，竟然都話正！ 焦糖瑞士雞翼又係估佢唔到，以為普通滷到淋晒架啦，點知塊皮仲有啲咔滋咔滋既口感，唔會一咬就散！金湯飲完都唔口渴，開頭見黃色以為有味精，但應該唔係。拉茶同檸茶都好飲，夠茶味但唔會澀，唔洗加冰無溝淡晒仲好～難得檸茶好飲過拉茶。星期日晚市都唔多人… 希望呢啲小店做得住～…查看更多

以其用心熬製的瑤柱金湯底為招來的迎麵，迅速成為我心中頭幾位車仔麵。上星期六幫襯位於長沙灣道的小店，居然有意想不到的驚喜。
===瑤柱金湯底車仔麵===（這次兩碗共配牛腩、牛肚、豬軟骨、豬腸、雞翼、牛肺）◦湯底經5小時慢熬，瑤柱鮮味濃郁，甘甜清爽，無味精的口渴感。◦配料新鮮，牛腩軟嫩多汁，牛肚爽脆，豬軟骨軟糯，豬腸處理乾淨，雞翼與牛肺肉香濃厚，質素出色。◦可選腩汁另上，保留湯底原味，細節•免費沙嗲汁◦沙嗲醬混花生粒，香濃順滑，風味濃郁，與車仔麵配料相得益彰。===無冰凍奶茶===◦茶香濃郁，奶味順滑，帶輕微台式風格，口感清新舒適。◦與傳統港式奶茶略有不同，適合喜愛台式茶飲的食客。
店員熱情周到，服務效率高，可選另上腩汁與免費沙嗲汁體現細心。湯底與配料質素高，免費沙嗲汁/腩汁加分，性價比較高。…查看更多