鵜舞

營業中

休息中

Item: 鵜舞
Rating: 0
Author: RubyFoody

UMAI

577 食評

味道

環境

服務

衛生

抵食

36237

荔枝角

$201-400

日本菜居酒屋

374

RubyFoody

等級3

呢晚唔使搭飛機，都可以環遊日本，試勻全國各地嘅獨特鄉土美食！

係這個充滿小漁港簡樸的居酒屋風情及氣氛，先嚟幾杯好玩又清新嘅特飲：

🥒 河童沙瓦 Kappa Sour
傳說河童係超愛青瓜嘅水神，所以呢杯河童沙瓦就係用青瓜做主角，帶啲微微酒精，味道清新又帶少少甜 … 超清爽解暑！

🎏 金魚沙瓦 Goldfish Sour
用紫蘇葉同辣椒做裝飾，紫蘇葉似水草，辣椒就似金魚游嚟游去，飲落有種水族館嘅feel，好有趣又創意十足！

🍋 冰結檸檬塔沙瓦Tower Lemon Sour
超高檸檬塔，酸甜冰涼，檸檬味濃郁。夏天必試、打卡一流！

🍍 冰結菠蘿沙瓦Pineapple Sour
熱帶風味，菠蘿香甜，冰涼解渴！

跟住就係環遊日本嘅美食大集合：

🐔 {千葉}花生味噌唐揚炸雞
Deep-fried Chicken with Peanut Miso
炸雞外皮炸到金黃酥脆，入面嘅雞肉又嫩又滑。最特別係佢個又香又甜嘅花生味噌醬，配埋炸雞真係Perfect Match！原來千葉縣花生產量係全日本第一，呢味炸雞仲係當地印西市嘅美食錦標賽獲得大獎，真係名不虛傳！

🥔 {北海道} 2年越冬焗熟成馬鈴薯
Baked Hokkaido 2 Years Aged Potatoes
雪中熟成嘅馬鈴薯，表面微焦，內裡綿軟甜美。北海道用雪堆熟成兩年嘅方法，令甜味大大提升，原來馬鈴薯都可以aged，超驚喜！

🐻 ｛東京｝三文魚籽/海膽最中餅Salmon Roe/ Sea Urchin Monaka
超可愛熊仔造型最中餅，打卡一流！三文魚籽鹹鮮爆汁，海膽鮮甜濃郁，最中餅香脆，層次豐富。呢款最中餅歷史悠久，江戶時代就已經有，食住歷史感更添滋味！

🐂 ｛廣島｝牛腸天婦羅
Beef Intestine Tempura
我都試過唔少牛內臟，但係牛腸天婦羅真係第一次仲係好有驚喜！外層炸得金黃酥脆，牛腸軟硬適中，味道濃郁。廣島以前有好多屠宰場，當地人用剩餘內臟創造美食，好有智慧！

🐖 ｛福岡｝爐端燒豬蹄
Grilled Pork Kuckles
爐端燒豬蹄外皮微焦帶炭香，豬蹄軟腍入味，膠質豐富，口感微黏。加上獨特羽根酥脆冰花，食落脆口又唔油膩。用備長炭燒製，味道同沖繩燉豬蹄完全唔同，好有特色！

🐠 ｛大分｝琉球醬漬刺身
Ryukyu Marinated Assorted Sashimi
三文魚、吞拿魚配牛油果，色彩繽紛。刺身鮮甜，牛油果creamy滑溜，特製琉球醬汁帶芝麻香，完美融合。大分嘅地道夏日美食，食落超開胃！

🧀 ｛福岡｝明太子芝士豚肉天婦羅
Mentaiko & Cheese Pork Roll Tempura
明太子係福岡代表美食，呢款天婦羅外皮金黃酥脆，咬開有拉絲芝士同爆漿明太子，豬肉鮮甜、芝士濃郁、明太子鹹香微辣，層次豐富，超正！

🐙 ｛新潟｝糸魚川墨魚汁炒麵
Niigata Black Yakisoba
炒麵吸收墨魚汁精華，味道濃郁帶海鮮鮮甜，仲有墨魚肉粒增加口感。呢道創意料理係為振興糸魚川觀光而設，將當地烏賊墨汁融入炒麵，好有特色！

🍱 ｛名古屋｝鄉土料理鰻魚飯三食
Nagoya Chazuke with Kabayaki Eel
鰻魚飯三食超有趣：
1️⃣ 原味鰻魚飯，鰻魚外脆內軟，醬汁甜而不膩，配軟糯米飯，好味！
2️⃣ 加入海苔同芥末，味道層次更豐富。
3️⃣ 加特製高湯變茶泡飯，又係另一番滋味！

「鵜舞」將日本各地嘅鄉土料理同B級美食原汁原味咁呈現出嚟，每一道菜背後都有佢獨特嘅故事同文化，真係食得出佢哋嘅用心創意！下次一定要再嚟試吓佢哋嘅握壽司同埋超人氣甜品！