La Barra Tapas Spanish Restaurant

營業中

休息中

長沙灣呢間西班牙菜，幾個朋友都不約而同話好食，bookmark咗好耐，今次特登約埋朋友過嚟一試～ 可樂餅因為我哋三個人，所以分別叫晒三款可樂餅，最印象深刻嘅一定係墨汁魷魚可樂餅，filling口感順滑又濃郁，好特別，鍾意蘑菇嘅朋友都推介試呢個松露蘑菇可樂餅，松露超香仲啖啖蘑菇！ 深海八爪魚🐙相對比較失色，雖然配上紅椒粉同薯蓉，但略嫌唔夠香、成道菜式亦唔太夠味，食落好平淡，薯蓉亦唔算好奶滑亦偏淡。八爪魚偏熟身，食落實身偏少少硬，有進步空間🥲 西班牙壞蛋薯條🍟幾特別，薯條細細條超脆身，就好似食緊零食個隻薯條咁！然後加埋爆蛋漿蛋汁，同埋鹹香嘅西班牙火腰粒，個組合食落真係幾過癮，但略嫌蛋汁稍為唔夠多，如果再多啲汁可能冇咁乾～ 精選魚塊西班牙短米、西班牙海鮮飯 🥘兩款主食嘅味道好似，所以建議大家揀一款就好，如果唔係食落會覺得分別唔大，我哋就鍾意短米多啲，魚塊配上嘅醬汁幾特別，有啲似加咗paprika嘅mayo，而且短米嘅口感都特別～海鮮飯就有啲失望，覺得都係太濕身，冇咗飯焦嘅質感同香味，而味道就蝦味好重，重到有啲膩，搵唔到番紅花嘅存在感，有啲失望🥲 Basque Burnt Cheesecake