麺屋こころ

營業中

休息中

今日去咗荃灣食一間日式撈麵店，叫麵屋こころ。海之戀商場分店真係好方便，一出咗荃灣西站就係喇！呢間連鎖餐廳除咗荃灣仲有沙田同元朗都食到㗎！內部則透過自然採光及窗外景色融入室內，並以日本京都庭園作設計意念，最適合就係同朋友一齊過嚟chill!!☀️今日就試咗佢嘅雞白湯拉麵同埋鹽味撈麵。雞白湯拉麵佢嘅湯呈現奶白色，好香嘅鹹香味，味道好濃郁🤤上面仲有半熟嘅糖心蛋，質感軟滑。上面嘅豚肉都蔬菜嘅份量都恰到好處，口感好均勻。另一個就係鹽味撈麵，鹽味為日本總店原始口味之一，整碗帶有濃厚鰹魚鹹香及芝麻油香，鹹香十足！我首先拌勻整碗麵後先品嚐原味，吃了三份一再加入黑糊椒，另外三份一再加入自家昆布醋，咁就可以享受3重口感！呢款撈麵十分推薦俾大家！最後叫咗一支靜岡烏龍茶🍵佢以瓶裝形式發售，好文青好有特色。茶底係有機茶，無防腐劑，口感清新又清香。