滋味屋

營業中

休息中

今日陪阿媽出嚟買嘢，買完嘢覺得肚餓順便喺車站附近食個午餐。午市都幾熱鬧，大部份都係住附近嘅街坊、退咗休嘅老人家過嚟幫襯。職員服務態度都好親切，同每個食客都有講有笑。點咗個咕嚕斑腩飯食，套餐包中湯（西洋菜湯）同飲品。凍飲加$3。等咗5分鐘呢個熱辣辣即點即炒嘅咕嚕斑腩已經上菜啦！咕嚕斑腩炸到外脆內軟，外面果層炸粉好薄，斑腩每一塊都好大嚿，配上大量嘅配菜，有三色椒🫑、洋蔥🧅、同埋菠蘿。菠蘿份量都幾多每一舊都好鮮甜。