滋味屋

營業中

休息中

Lunch 想平平地食一餐，荃灣川龍街附近有好多經濟實惠嘅餐廳選擇。今日放早，去咗呢間滋味屋，家庭式經營，充滿人情味嘅茶餐廳。Lunchtime 好多打工仔黎食飯，餐廳似打粵式小菜、茶餐、午餐等，炒得幾日鑊氣！經濟實惠。1） 腐乳南瓜蒸雞- 比左雞脾位🥰，雞蒸得好滑嫩，雞肉大大舊，軟淋淋嘅南瓜，入口即溶。 腐乳同豉油汁撈飯最正！2）蓮藕肉餅飯- 好大塊蓮藕肉餅，咬落去豐滿爆汁，肉餅炸得金黃酥脆，肉質鮮嫩，一試難忘！3）蓮藕排骨湯- 套餐附送，清甜美味，蓮藕吸收咗排骨嘅肉味，飲完好開胃！

同事約我食飯，我哋去咗荃灣川龍街65號地舖的<滋味屋>食家常小菜，晚飯時段，小菜配白飯、例湯和餐飲，好經濟實惠呀！唔怪之得氣氛咁熱鬧。我哋點咗：🥢紅燒豆腐 $77：豆腐嫩滑，配菜有 厚冬菇片和白菜仔，口感豐富又好味，唔錯。🥢金銀蛋莧菜 $77：份量不少，金銀蛋好味，莧菜青綠好食。🥢豉汁蒸大鱔 $110：大鱔新鮮厚肉配豆卜，鼓汁惹味，送飯一流。🥢例湯係青紅蘿蔔豬骨湯：足料老火湯，好好飲。🥢餐飲係凍檸檬茶（$3）和熱檸檬水：消滯解渴。

作為荃灣老街坊，間唔中都要支持本區小店，振興經濟!我地一行兩人叫左兩款小菜蜜椒薯仔牛柳粒同埋粉絲蝦米什菜煲。 平時外出食飯最愛食鑊氣十足的黑椒薯仔牛柳粒，每顆薯仔及牛柳粒滿布蜜糖和黑椒汁，齋食薯仔都已經很適合送飯!三色椒中和油膩感，令菜式色彩鮮豔!美味而營養的煲仔菜令人垂涎欲滴，雜菜煲利用多種蔬菜及菇菌類食物製作，例如西蘭花、菜心、金菇、粉絲、蝦米得，能帶出不同層次的口感，同時增加膳食纖維素的攝取，有助腸臟健康，係健康飲食之選!

這家小店主打粵式小菜，沒有花俏擺盤，卻以十足火候和地道風味征服無數食客 😋🔸剁椒蒸魚雲魚雲滑嫩如豆腐 🤩 搭配惹味剁椒，鹹鮮中帶著微微辣勁，入口即化的口感讓人停不下筷！一定要配白飯 ❤️🔸枝竹斑腩煲男人的浪漫 😆 火候掌握得恰到好處，斑腩外酥裡嫩，枝竹吸飽濃郁醬汁，每一口都飽含鑊氣 🔥 🔸蝦醬通菜清脆的菜葉裹滿鹹香蝦醬，簡單卻讓人回味無窮 😍這裡沒有高級餐廳的精緻環境，卻有最地道的粵式風味和滿滿的煙火氣 😊 人均百元就能吃得滿足！

五一一家人出去食飯！簡簡單單食茶記，呢間做好多年做街坊生意🫶🏻人情味濃厚～最鍾意佢哋鑊氣好勁，好似大排檔咁！每一道菜見到師傅幾十年嘅刀功喺裏面👍🏻入到去職員好有親切感，裝修簡單港式茶記家白色為主調。美食⭐️⭐️⭐️⭐️⭐️好味雞二人餐🩵口水雞麻辣主導，麻來自花椒，入口後舌尖會有微微的酥麻感，但不過分刺激。紅油和辣椒的香辣味濃鬱，雞肉的鮮嫩👍🏻選用嫩雞煮熟後冰鎮，肉質緊實滑嫩，帶有淡淡的鮮甜味。🩵蝦醬炒通菜蔬菜的脆嫩😋通菜莖稈爽脆，葉片吸味，能中和蝦醬的鹹度，帶來清的後調。搭配大量蒜未和辣椒爆炒，蒜香能壓制腥味，辣椒增添刺激感👍🏻油潤鮮亮！蝦醬本身含油脂，炒後通菜油光發亮，但不會膩。🩵翠玉瓜炒牛肉牛肉嫩滑鮮美😋牛肉用生抽、糖、澱粉等醃製，炒後肉質軟嫩，帶有醬香的鹹鮮味。鑊氣十足！牛肉表面微焦，散發油脂香氣，但內裡仍保持多汁。翠玉瓜的清爽清甜脆嫩👍🏻翠玉瓜口感類似西蘆，炒至半熟時微脆，熟透後柔軟，自帶淡淡的甜味。🩵老火湯🩵凍檸茶

蜜椒薯仔牛柳粒薯仔炒得岩岩好，表面脆脆地帶蜜糖味，入面軟淋牛柳粒比得好多件，搭配蜜椒嘅甜味💗去親茶記次次有都會叫呢味餸食🍆魚香茄子煲魚香茄子煲就係經典嘅家常菜，茄子吸收咗濃厚嘅魚香醬汁，鮮香味十足。茄子嘅軟滑同調味醬嘅酸甜相結合，好岩送飯面。星洲炒米今次冇簡飯送，簡左炒米。米粉炒到金黃，搭配唔同既豐富嘅配料同蝦，香氣撲鼻，又唔會太辣 。野飲簡左紅豆冰、凍檸茶送埋湯（有中湯、有西餐簡）最尾食到超飽！

荃灣岀名多野食，今次係川龍街見到間茶餐廳，晚市做炒小菜，價錢經濟實惠，人流都唔錯，就同媽媽人去試下。兩個人叫兩個小炒食就得！套餐有是日例湯，煮家豬骨湯，附有幾舊豬骨。麻辣雞鍋辣度可選，小編簡左小辣，唔會太麻，就連媽媽唔食得辣都話ok。雞鍋煮得好香又惹味，雞件切得比較小，份量正正常常，不過雞件勝在入味，拌飯食一流。小炒皇必點小炒皇！！配料相當豐富，有大蝦、蝦干、白飯魚仔、魷魚、果仁、芽菜、青椒等。叫左小辣，好惹味又多鑊氣夠。特別適合鍾意食重口味的人士，無論是搭配白飯還是單獨享用，都好好食，值得一試。凍檸茶

📍 滋味屋｛荃灣｝偶然食下家常小菜，食下傳統茶記都唔錯😗有點鑊氣味，兩個人兩款小菜，兩個湯兩碗飯就好完整了😍😍😍😍😍✨ 魚香茄子煲一上枱，個煲熱到沙沙聲，第一啖冇吹凍，真係熱親個咀😩😩茄子吸晒醬汁嘅精華，鹹香味十足，茄子外皮金黃酥脆，入面保持柔嫩，搭埋特製的魚香醬汁，撈飯一流🍚✨菠蘿生炒骨味道酸甜正常，好惹味😍雖然最簡單但係最考功夫結果當然過關鑊氣足排骨外脆內多汁菠蘿青椒甜酸度啱啱好😙

好耐無食茶餐廳🍴，咁岩同朋友行開荃灣，見到呢間都幾地道咁，就入左去lu，估唔到又幾好食😂今日既老火例湯係蓮藕湯～清甜叫左兩個餸，都係肉菜均衡🤓😂👍🏻1個係回鍋肉炒菜，另一個就係腐乳通菜炒牛肉，健康由今日開始😆，肉炒菜，真係無敵好食🤤回鍋肉炒菜好有鑊氣，回鍋肉一層肥一層瘦咁，好香口，椰菜索滿肉嘅香氣，都好好食，夠哂惹味！！腐乳炒通菜比較濕潤，味道都幾濃郁，送飯一流，牛肉口感仲好軟熟🥰

今日經過呢間茶餐廳，見到有小菜食，價錢又唔貴，所以入去試吓。好味雞二人餐呢個套餐都幾多野食，有雞，有一碟小菜，有一款菜，有白飯，例湯同飲品，都幾抵食。例湯都幾濃郁，都幾多料，唔錯。我地叫咗口水雞，雞肉都幾嫩滑，d口水汁幾香口，唔算太辣，仲有腰果，份量都幾多，唔錯。小菜我地叫咗魚香茄子煲，一上枱咋咋聲，好夠鑊氣，茄子唔算太油膩，d肉碎勁惹味，要黎撈飯一流。蒜蓉炒生菜，生菜食落爽脆，勁香蒜蓉味，好味。涷檸茶d檸檬夠酸，飲落唔會苦，菜味幾濃。

荃灣太多好嘢食，所以每一日都都唔知食咩好，咁啱經過呢間茶餐廳，見到好多客人，覺得一於嚟試吓啦。一入到去，侍應嘅服務態度好好，比好多茶餐廳好好多。而且今日仲有卡位坐，真係好好彩。今日嘅快餐係拔絲蝦球，朋友就叫咗嚟試，因為本身唔係特別鍾意食蝦，而且去茶餐廳總係想食啲惹味啲嘅嘢，所以我就叫咗個雞煲。朋友個蝦球好快就上枱，我試咗一舊，蝦肉非常彈牙，而且炸醬唔會好多，蝦肉食物都非常新鮮，原來都好適合送飯。隔咗一陣我嘅雞煲都上枱，一上枱已經聞到好香，朋友忍唔住夾咗一舊，佢話雞肉好嫩滑，而且好入味，非常送飯。而且叫小菜同晚餐仲會有湯同飲品送，真係非常抵食，唔怪得咁多人啦。

果真好鑊氣好滋味❤️晚飯時間全場客滿，幾乎每台客都有一條蒸/煎魚，看來餐廳對中式魚料理非常了得。🍆🐟茄子炆倉魚茄子和倉魚經過煎炸，再燴惹味醬汁。倉魚經煎炸後肉質變得結實香口！茄子綿軟，非常下飯！。倉魚骨粗刺小，老人小孩非常適合。🍅🥩生炒骨三色椒洋蔥菠蘿，排骨新鮮炸起，加入酸酸甜甜的糖醋番茄醬，以大火快炒。一碟有菜有肉，營養有豐富，人見人愛。🥬蝦醬炒通菜蔬菜竟然炒得如此有鑊氣，豬先生貓太太真係爭住食呀🤣炒菜的滋味不比炒肉差。🍲涼瓜排骨黃豆湯吃了這麼多鑊氣小炒，一碗清涼的老火湯水很重要，飲完就「唔熱氣」啦🤭☕茶餐廳奶茶非常絲滑，茶底濃奶味重，難怪是香港招牌。

荃灣市中心有一間老字號茶餐廳，出名鑊氣小菜，充滿人情味～所有小菜都包例湯、飲品同白飯～中式例湯係真材實料嘅豬骨湯，好香～西湯就可以揀羅宋湯，勁多蔬菜，好正～啫啫通菜煲鑊氣十足嘅通菜煲，肉碎炒到非常香，份量亦都十足，送飯食一流～京都焗肉排酸酸甜甜嘅京都焗肉排，豬扒大大嚿好柔嫩，唔係落咗鬆肉粉嗰種口感～醬汁調配得剛剛好，清晒一碗飯冇問題～你都茶餐廳當然要飲吓地道嘅飲品～熱菜蜜好香，唔係平時hea用菜蜜汁沖出黎嘅死甜～

屋企無煮飯係屋企附近搵野食，見到呢間滋味屋有二人套餐幾抵就試下。古法蒸黃花即叫即蒸要等一陣，但好值得等，廚師控制得好好，條魚好滑，黃花魚的甘香保持得好好，家的味道。豆腐火腩煲原煲熱辣辣上枱，燒肉半肥瘦豆腐又吸哂汁，好惹味，送飯一流。腐乳炒通菜望落平平無奇的通菜炒得好入味，比想像中好味好多。兩個人有魚有肉仲有青菜，跟餐仲配兩個飯，兩個湯同兩杯野飲，200幾元，性價比好高，荃灣區新飯堂。🥢滋味屋🌏荃灣川龍街65號地舖

又到放工時間，去咗荃灣就嗱嗱臨想食啲嘢先。記得曾經朝頭早喺一間茶餐廳食過早餐，都幾好食，所以今晚就試吓佢嘅晚餐。呢間茶記就喺荃灣長者健康中心附近，位置方便，大家都可以試吓。晚餐我叫咗個蝦醬通菜鮮魷，嗰浸蝦醬味真係好香，魷魚又夠新鮮，廚房煮得好夠鑊氣。呢個餐附送例湯，係涼瓜黃豆湯，夠晒清熱氣，而且冇乜味精。最後一題就係個咖啡，經典茶餐廳調製，面頭有浸衣，提神醒腦，絕！晚餐仲有好多其他好選擇，如果想快靚正就一定要嚟呢度啦！