四妹廚房

營業中

休息中

好友約我去位於荃灣西樓角路186-200號荃昌中心昌安商場地下5號舖的《四妹廚房》食住家飯，小店型式經營，裝修雅緻。我地點左：📍住家湯（跟餐）今日係：花生眉豆涼瓜煲排骨，湯底清甜，冇味精呀，好好飲。📍菜心炒雞柳 $72菜心青綠，雞柳嫩滑好味。📍酸豆角炒肉碎 $72呢碟餸送飯最好，肉碎好入味，有少少辣，幾惹味。📍香煎墨魚餅 $32墨魚餅煎得香脆嫩滑可囗。📍陳皮蒸深海泥鯭 $98上檯時，陣陣陳皮味好香濃；深海泥鯭 size 好大條，火喉掌握得好準確，魚肉嫩滑，連魚骨都食得好乾淨。📍飲品係竹蔗茅根和花旗參雪梨茶 $24 x2自家製的飲品，清爽好飲。